РФ Уһук Илин сайдыытыгар министиэристибэтин салайааччытын солбуйааччы Гаджимагомед Гусейнов дакылаатыгар, Аартыка тирэх пууннарын сайыннарыыга маастар-былааннары оҥорууга килиимэт уларыйыытын уонна ирбэт тоҥ ууллуутун кытта сибээстээх боппуруостар учуоттаналларын. Холобура билигин, Аартыка сорох бөһүөлэктэригэр баар тутуулартан 50 % араастаан түөрэ-лаҥкы барбыттарын санатта. Ол инниттэн, билигин хоту куораттары, бөһүөлэктэри аныгылыы технологиялары эрэ туттан саҥардыахпытын сөп диэтэ.
Норуот дьокутаата Василий Николаев бэлиэтииринэн, өрөспүүбүлүкэбит биир улахан кыһалҕатын таарыйар, олус наадалаах боппуруос бу мунньахха таарыйылынна. «Билигин буола турар килиимэт уларыйыытын учуоттаабатахпытына, кэлин олус улахан материальнай хоромньу тахсар куттала баар. Биһиги сис кэмитиэппит федеральнай уонна өрөспүүбүлүкэтээҕи таһымнарга бу өттүгэр сокуону оҥорууну көрүөххэ наада диэн туруорсар. РФ Бэрэсидьиэнэ Владимир Путин сорудаҕынан, дойду бырабыыталыстыбата 2023 сылга Аартыкаҕа 16 тирэх пуун киирэр кэрискэтин бигэргэппитэ».
Ил Түмэн пресс-сулууспатын матырыйаалларынан
-
0
-
0
-
0
-
0
-
0
-
0
