Манна тырааныспар, логистика, тарыып, бырамыысыланнас, энергетика, тулалыыр эйгэни харыстааһын салаатыгар 34 пууннаах өрөспүүбүлүкэ социальнай-экэнэмиичэскэй сайдыытын көрдүлэр.
Бастакы боппуруоһунан Уһук хоту оройуоннарга ньиэп бородууксуйатын харайарга сөптөөх инфраструктураны тутарга федеральнай бүддьүөттэн субсидия ылар туһунан дьүүллэстилэр. Бу бырайыагы олоххо киллэрэргэ түөрт министиэристибэ үлэлэһэллэр: СӨ Гражданскай оборонаҕа уонна нэһилиэнньэ куттала суох олоҕун хааччыйыыга министиэристибэ, СӨ олох-дьаһах, хомунаалынай хаһаайыстыба уонна энергетика министиэристибэтэ, СӨ тырааныспарга уонна суол хаһаайыстыбатыгар министиэристибэ, СӨ Аартыкаҕа уонна хотугу норуоттар дьыалаларыгар министиэристибэ.
2022 с. ахсынньы 30 күнүгэр «Саханефтегазсбыт» АУо уонна өрөспүүбүлүкэ концессионнай сөбүлэһии түһэрсибиттэр. Ол чэрчитинэн Үрүҥ Хайатааҕы, Эдьигээннээҕи, Уус Куйгатааҕы уонна Хаандыгатааҕы нефтебаза хаһаайыстыбата саҥардыллыахтаах. Ону олоххо киллэрэргэ 6 662,9 мөл. солк. ирдэнэр.
Федеральнай бүддьүөттэн 2023 с. киирбит 300 мөл. солк. «Саханефтегазсбыт» АУо уставной хапытаалын улаатыннарарга ыытыллыбыт.
Былырыын «Саханефтегазсбыт» АУо бырайыактыыр-изыскательнай үлэҕэ икки тэрилтэни кытта дуогабар түһэрсибит, күн бүгүн бырайыактыыр докумуон бырамыысыланнай куттала суох буолууга эспэртиизэни ааспыт уонна симиэтэтин көрөргө судаарыстыбаннай тургутугу ааһыахтаах.
Өрөспүүбүлүкэ бүддьүөтүгэр ноҕоруусканы кыччатар сыалтан нефтебаза ахсаанын аччаппакка эрэ, резервуарнай паарка кыра кээмэйин хаалларан туран капитальнай ороскуоту 9 млрд. солк. диэри улаатыннарарга этии киллэрбиттэр.
Нефтебазалар бырайыактара уонна симиэтэлэрэ чуолкайдаммытын кэннэ эбийиэги үлэҕэ киллэрии болдьоҕо 2025 с. ахсынньытыттан 2026 с. ахсынньытыгар көһөн биэрбит.
Ол туһунан сиһилии «Ил Түмэн» хаһыат кэлэр нүөмэригэр ааҕыҥ.
Хаартыска: Ук24
-
1
-
0
-
0
-
0
-
0
-
0
