Муус устар 13 күнүттэн саҕалаан Санкт-Петербурдааҕы норуоттар икки ардыларынааҕы табаар-сырье биржатыгар АИ-92 уматык сыаната 11 бырыһыан түспүт. Тонна уматык 35,77 тыһ. солк. эрэ тэҥнэспит. Ити түмүгэр хампаанньалар хоромньуну сүкпүттэр.
Ааҕааччыларга уматык сыаната эмискэ тоҕо түстэ диэн ыйытык үөскүүрэ саарбаҕа суох. Ол курдук, уматык сыаната түһүүтүн биричиинэтэ эмискэ итиннэ көрдөбүл аччаабытыгар сытар. Биллэрин курдук, Арассыыйаҕа коронавирус сыстыганнаах ыарыыта тэнийэн, дьон үксэ дьиэҕэ харантыыҥҥа олорор. Массыына сырыыта аҕыйаата. Ону тэҥэ уматыкка көрдөбүл, наадыйыы эмиэ аччаан биэрдэ.
Дойду ньиэби таҥастыыр собуоттарын өйүүр сыалтан, үрдүкү салалта тас дойдулартан киллэриллэр чэпчэки сыаналаах уматыгы атыылыыры-эргинэри бобор наадатын туһунан толкуйдуур.
-
0
-
0
-
0
-
0
-
0
-
0
