Кэмпириэнсийэҕэ 180-ча баһаарынай сулууспа үлэһиттэрэ кыттыыны ылаллар. Ол иһигэр Камчатка, Красноярскай кыраай, Новосибирскай, Омскай, Сахалин уобаластарын, Ямало-Ненецкэй автономнай уокурук уонна Саха Сирин 35 оройуонун, Дьокуускай куорат бэрэстэбиитэллэрэ.
Икки күн иһигэр кэмпириэнсийэ кыттыылаахтара баһаары сэрэтии уонна умуруорууну тэрийии сүрүн боппуруостарын ырытыһыахтара, эрэгийиэннэр баһаарынай сулууспаларын үлэлэрин уопутун атастаһыахтара. Саха Сирэ ардаҕы анаан оҥорууну салайар уопутун билиһиннэриэ.
Маны таһынан, баһаарынай сулууспа үлэһиттэрин социальнай көмүскэллэрин хааччыйыы боппуруостарын көрүөхтэрэ, сулууспа инники сайдыытын уонна үлэни тупсарыы хайысхаларын торумнуохтара, сүрүн кыһалҕалары ырытыахтара, ону туоратар суоллары тобулуохтара.
Кэмпириэнсийэ чэрчитинэн Хаҥалас улууһун Судаарыстыбаннай баһаарынай сулууспатын эбийиэктэрин кэрийэн көрүөхтэрэ уонна баһаары сэрэтэр инструктордар сэминээрдэрэ ыытыллыаҕа.
СӨ Ил Дарханын уонна Бырабыыталыстыбатын пресс-сулууспатын хаартыската.
-
0
-
0
-
0
-
0
-
0
-
0
