Руф Иванович Кардашевскай биһиги Балаҕаннаахпытыгар төрөөн, оҕо сааһа ааспыта. Кини Саха АССР тэриллиитигэр эмиэ элбэхтик үлэлэспит судаарыстыбаннай-бэлитиичэскэй диэйэтэл буолар. Дьокуускай куорат Сэбиэтин бэрэссэдээтэлинэн үлэлии сылдьан, куорат сайдыытыгар элбэҕи оҥорбута. Исидор Бараховы, Максим Аммосовы, Платон Ойуунускайы, Степан Аржаковы кытта бииргэ автономиялаах өрөспүүбүлүкэ сайдыытыгар үлэлэспитэ .
Москва куоракка Саха АССР постпредствотын салайааччытынан үлэлии сылдьан, Саха АССР социальнай-экэнэмиичэскэй сайдыытын туһунан Иосиф Виссирионович Сталиҥҥа информация оҥорбутун туһунан история чахчыта кэрэһилиир .
Быйыл Саха АССР тэриллибитэ 100 сылынан, Саха Аптаныамыйалаах Өрөспүүбүлүкэтин турууласпыт, тэрийсибит, сайдыытыгар үлэлэспит чулуу дьоммутун ахтан-санаан ааһыахтаахпыт, кинилэр ааттарын үйэтитиэхтээхпит.
Балаҕаннаах сириттэн-уотуттан үүнэн-сайдан, үөрэхтэнэн, үлэһит буолан, Саха АССР төрүттэспит Руф Иванович Кардашевскайынан киэн туттабыт!
Үөһээ Бүлүү улууһун Балаҕаннаах нэһилиэгин баһылыга,
СӨ норуотун хаһаайыстыбатын үтүөлээх үлэһитэ
Степан Дмитриев.
Бэс ыйын 12 күнэ 2022 сыл .
-
2
-
0
-
0
-
0
-
0
-
0
