Биир сааскы күн сылы аһатарын өйдүөххэйиҥ, сиэмэлэри бэрийэн, наардаан, араскылатан күөҕү көҕүлүөҕүҥ, ас-үөл төрдүн оҥоруоҕуҥ. Өбүгэлэрбит саҕаттан сааскы кэм саарбах кэмигэр аһы-үөлү көрүнэн, хаһаас аһы хасыһан, уурунуу аһы эргитэн -урбатан амтаннааҕы амсайан, иҥэмтиэлээҕин сиэн сэниэтэ эбиниэҕиҥ, күүстэ - уохта киллэриниэҕиҥ, өрүү даҕаны өллөөх буолуоҕуҥ.
Үөрэ - көтө үөрэ миинин буһарыаҕыҥ, күөрчэхтээн сиэҕиҥ, үрүҥ ас үтүөтүн билиэҕиҥ. Оҕо-аймах мунньустан кэрэ эйгэтин кэҥэттин, үтүө эйгэтин үксэттин, талааннаах дьоҕурдаах аҕыс кырыыта кылбайа күлүмнээтин, дьулуурдаах-тулуурдаах кыайыы кынаттаннын.
Хотон аайы ньирэй мэҥирээтин, төрөөбүт ынах сыалаах отунан хатаҕаланнын, эбии аһынан "наҕараадаланнын", үрүҥ илгэ үрүлүйэ сүүрдүн. Сыспай сиэллээх кырыатын ыраастаттын, мууһурбутун тэбэттэрдин, эбиэһинэн эбии аһылыктаннын.
Эйэ дэмнээхтик отур - ботур кэпсэтэ-кэпсэтэ итии үүттээх чэйдэ иһиэҕиҥ, саҥа күнтэн үөрүөҕүҥ.
Бэнидиэнньикпит бэрээдэктээтин, оптуорунньукпут оннубутун буллардын, сэрэдэбит сэргэхситтин, чэппиэрбит чэбдик, бээтинсэбит бэһиэлэй буоллун!
Хаартыска: СИА
- 0
- 0
- 0
- 0
- 0
- 0