Космонавтика күнүн бэлиэтиир тэрээһин чэрчитинэн Юрий Гагарин төрөөбүт куоратыгар кини ийэтигэр Анна Тимофеевна Гагарина пааматынньыгар тыыннаах сибэкки уурдулар. Бу дьоро түгэҥҥэ Юрий Гагарин сиэн балтылара, Ю.А. Гагарин аатынан мемориальнай заповедник түмэлин үлэһиттэрэ Тамара Дмитриевна Филатова уонна Наталья Борисовна Гагарина кыттыыны ыллылар.
Советскай Сойуус Геройун, нуучча улуу киһитин төрөппүт, ииппит Ийэ үрдүк аатыгар сүгүрүйэн, Саха Сирин олохтоохторун ааттарыттан Михаил Николаев тыыннаах сибэкки дьөрбөтүн ыытта. Бэлиэтээн эттэххэ, 90-с сыллардаахха Михаил Николаев уонна Тамара Филатова Юрий Гагарин ийэтигэр анаан пааматынньык турарыгар үлэни көҕүлээбиттэрэ. 2001 сыллаахха Саха Сирин бары олохтоохторун ааттарыттан Анна Тимофеевна Гагарина пааматынньыга арыллыбыта.
Гагарин куорат олохтоохторо кэпсииллэринэн, сибэккини ууруу үтүө үгэһэ сылын ахсын тиһигин быспакка буолар. Бу тэрээһин кэнниттэн Юрий Гагарин түмэлин иһинэн үлэлиир оҕо кулуубун кыттыылаахтарыгар “Гагарин оонньуулара” диэн эстафета саҕаланар.
Ону таһынан, Саха Ѳрѳспүүбүлүкэтин бастакы Бэрэсидьиэнин М.Е. Николаев бибилэтиэкэ архыыбыгар “Николаев - Кииҥҥэ “На плечах гигантов” бырайыак үлэтин саҕалаабыта. Бастакы тэрээһин Космонавтика күнүгэр анаммыта. Бу күн Юрий Гагарин сиэн балта Тамара Филатовалыын иһирэх кэпсэтии буолан ааспыта. Юрий Гагарин аатынан мемориальнай заповедник-түмэлэ уонна Николаев – Киин ылсыһан виртуальнай быыстапканы оҥордулар. Манна архыып докумуоннара, хаартыскалар, видеолар, лиэксийэлэр , уруоктар уонна викториналар бааллар.
Быыстапканы бу сигэнэн киирэн көрүөххүтүн сөп: https://nikolaevcentre.ru/virtual/49/index.html?utm_source=whatsapp&utm_medium=messenger&utm_campaign=pt-458&utm_eid=164
-
2
-
0
-
0
-
0
-
0
-
0
