-- Арассыыйаҕа кикшериҥы туһанааччылар, о.э. электросамокааты миинээччилэр суол быраабылатын кэстэхтэринэ, буруйдара төһө ыараханыттан көрөн, түөрт испииһэккэ арааран, биир ыйга эбэтэр сыл аҥардаах болдьоххо хара испииһэккэ киллэриэххэ уонна 4 сылга тиийэ накаастыахха наада. Кикшеринг хампаанньаларын самокааттара төһө түргэннээхтэрин, итиэннэ, турар миэстэлэрин (геолокация) туһунан көрдөрүүлэри Суол куттала суох буолуутун судаарыстыбаннай инспекциятыгар биэрэллэрин булгуччулаах оҥоруохха, - диир Артем Шейкин.
Маны таһынан, бу өҥөнөн туһанааччылар, тус кэбиниэттэригэр регистрацияланыахтарын иннинэ, суол быраабылатын билиилэрин тургутан көрөллөрүгэр хампаанньалары эбээһинэстииргэ этэр. Тургутууну ааһарга сөптөөх хоруй алын боруога 90 %-ҥа тэҥнэһиэхтээх.
«Парламентская газета» суруйарынан, Москубаҕа самокааттарга хатааһылааһын биэриэмэтэ саҕаланыаҕыттан, 15 тыһыынчаттан тахса ыстыраап кикшериннэргэ түһэриллибит, 7 тыһыынча аккаунт сабыллыбыт. Биир электросамокаатка иккиэ буолан хатааһылааһын, суолу туорааһын уонна анамматах сиргэ парковкаланыы курдук быраабыланы кэһиилэр ордук элбэхтэр.
Сиһилии бу сигэнэн билис: https://www.pnp.ru/social/v-rossii-predlozhili-sozdat-chernye-spiski-elektrosamokatchikov.html
- 0
- 0
- 0
- 0
- 0
- 0