Бэйэ счетугар харчыны көһөрүү илимиитэ улаатар
Арассыыйа олохтоохторо атын бааҥҥа баар бэйэ счетугар хамыыһыйата суох көһөрөр харчыларын илимиитэ ыйга 30 мөл. солк. диэри улаатар. Кирэдьиит биэрэр тэрилтэлэр бу суума иһинэн харчы көһөрүүтүн ахсаанын уонна кээмэйин хааччахтыылара бобуллар. Cаҥа уларыйыылар дьон быраабын көмүскээһиҥҥэ уонна кинилэр бас билэр үптэрин бэйэлэрин көҥүллэринэн тутталларыгар туһуланар. Манна сүрүнэ, киһи ити суума иһинэн харчыны ханнык да хааччаҕа суох уһулар, көһөрөр кыахтанар диэн быһаараллар.
Сүппүт аймахтары булар туһугар
Сураҕа суох сүппүт чугас аймахтардаах дьону булгуччулаах судаарыстыбаннай геномнай (хаан) эрэгэстэрээссийэни ааһар дьон биэрэчинигэр киллэриэхтэрэ. Бу информация сүппүт киһи булуллуор диэри, ол гынан баран, 70 сылтан ордуга суох кэм устата хараллыаҕа.
Сыаллах үөрэхтээһин дьэҥкэтик
Сыаллаах үөрэхтээһин процедурата ордук дьэҥкэтик барыаҕа. Бары сайаапкалар аһаҕастык (публичнайдык) киириэхтэрэ. Үөрэххэ туттарсааччы үөрэнэр кэмигэр ханнык -туох өйөбүлүнэн туһаныахтааҕын, инникитин дуогабар түһэрсэр үлэни биэрээччи туһунан сибидиэнньэлэри толору билэр кыахтаныаҕа. Бу уларыйыы устудьуон, инникитин үлэни биэрээччи уонна эрэгэйиэн сыаллаах үөрэхтээһиҥҥэ болҕомто ууралларыгар, ордук эппиэтинэстээх, көдьүүстээх таһымҥа таһааралларыгар туһуланар.
Кэллиэктэрдэри туһанарга хааччахтааһыннар
ОДьКХ иэстэрин төлөтүүгэ кэллиэктэрдэри туһаналлара бобуллубут тэрилтэлэр биэрэчиннэрэ кэҥиир. Ол курдук, бу иннинэ бобуулаах биэрэчиҥҥэ управляющай хампаанньалар уонна ресурсаларынан хааччыйар тэрилтэлэр, бас билээччилэр табаарыстыбалара, олорор дьиэ кэппэрэтииптэрэ киирэр буоллахтарына, ыам ыйыттан ыла, социальнай олорор дьиэни наймыга биэрээччилэр кытта кэллиэктэрдэри туһаналлара бобуллар.
Тур оператордар 25 мөл. эрэ буоллаҕына
Туризмынан дьарыктанар оператордар 25 мөл. солк. аччыгыйа суох үптээх буолуохтаахтар. Маннык уларыйыы сырыылаах туризмынан дьарыктанар туроператордар эйгэлэрин таарыйан, кинилэр үбүлээһин өртүнэн эппиэтинэстэрин үрдэтэллэригэр уонна туристар иннилэригэр эбэһээтилистибэлэрин толорууларыгар туһуланар.
Арыгы акциһа үрдүүр
Ыам ыйыттан виноҕа, отон астаах алкоголлаах бородууксуйаҕа, вино уонна виноградтаах утахтарга, ону кытта игристай виноҕа, ол иһигэр арассыыйа шампааныгар акциз ыстаапката уларыйан, биир лиитэрэ иһин 108 солк. диэри үрдүөҕэ. Салгыы акциз үрдээһинэ 2025 сыл тохсунньу 1 күнүгэр -112 солк, ол кэннэ 2026 сыл саҥатыгар- 116 солк. сабаҕаланар.
Каассаларга тохтотуохтара
Улахан эргиэн ситимнэрин каассаларыгар көҥүлэ суох уонна болдьоҕо тахсыбыт үүт бородууксуйатын уонна ууну атыылааһыны блокировкалыыр буолуохтара. Чопчулаатахха, көҥүлэ суох эргиэни, иккистээн атыылааһыны уонна бобуулаах табаары батарыыны тохтотууга туһуланар.
Госдуума саайтыттан.
Хаартыска куйаар ситимиттэн
-
0
-
0
-
0
-
0
-
0
-
0
