Быйылгы дьылга «Саха Сирин тырааныспарын комплексын сайыннарыы» судаарыстыбаннай бырагыраама уопсай суумата 1,6 миллиард солкуобайга диэри улаатта. Бу үптэн 1,1 миллиард солкуобай кэриҥэ эрэгийиэн иһигэр салгын тырааныспарын социальнай суолталаах тэрилтэлэрин өйүүргэ туһуланар.
«Аартыка оройуоннарыттан Дьокуускай куорат аэропордугар диэри көтөн кэлиигэ субсидия 100 мөл. солуобайынан улаатта. Маны тэҥэ эбии, улуустар истэригэр көтүүгэ 150 мөл. солкуобай көрүлүннэ» диэн иһитиннэриигэ этиллэр.
31,7 мөл солкуобай субсидия харчыта муниципалитеттар икки ардыларыгар сылдьар оптуобустар лизинг дуогабардарын төлөбүрүгэр көрүлүннэ.
Дойду үрдүнэн ылылла турар санкцияларга тырааныспар салаатын өйүүргэ араас быһаарыылар ылыннылар. Быһаарыылар авиаперевозчиктарга омук сөмөлүөттэрин хаалларалларыгар, тимир суол тырааныспарын үлэтигэр норуоттар икки ардыларынааҕы тэрилтэлэр сабыдыалларын аччатарга, бэйэлэрин муора пуортарыгар киириини бобор дойдуларга хардаран хааччахтары олохтуурга туһуланаллар.
-
0
-
0
-
0
-
0
-
0
-
0
