- Ил Дархан Айсен Николаев Анал этиитин быйылгы уонна кэлэр сылларга өрөспүүбүлүкэ суолталаах сүрүн стратегическай былааннарынан ааҕабын.
Өрөспүүбүлүкэ Баһылыга парламеҥҥа туһаайан этиитигэр бары салаалары таарыйда: доруобуйа харыстабылын, култуура, үөрэхтээһин, ол иһигэр суол хаһаайыстыбата уонна көтөр аал кыһалҕалара. Быйыл өрөспүүбүлүкэҕэ улахан ойуур баһаардара турбуттара, онон эһиил Ил Дархан айылҕаны харыстааһыҥҥа, хамнаһы үрдэтиигэ уонна ойуур баһаардарын бохсор сулууспалар үлэһиттэрин ахсаанын элбэтэр туһунан кыһалҕалара этилиннилэр.
2022 сылга хаарбах туруктаах олорор дьиэлэртэн көһөрүү, нэһилиэнньэлээх пууннары гааһынан хааччыйыы уонна социальнай эбийиэктэри тутуу үлэлэрэ салгыы ыытыллаллара былааннаналлар. Мантан сибээстээн, "Сиэрдээх Арассыыйа - Патриоттар- Кырдьык иһин" фракция салайааччыта буоларым быһыытынан, фракция иһинэн ыйыллыбыт соруктары көрүөхпүт, ыйыллыбыт соруктары ырытан, сөптөөх былааны оҥоруохпут.Аҕа Баһылык сорудахтарын толорууга туһааннаах сокуон барылларын бэлэмниэхтээхпит дии саныыбын. Түгэнинэн туһанан, Ийэ сыла биллэриллибитинэн, ийэ буолар кэрэ аҥардарбытын кэлэн иһэр Саңа дьылынан эҕэрдэлиибин!
-
0
-
0
-
0
-
0
-
0
-
0
