- Бүгүн, олунньу 9 күнүгэр, волейбол төрүттэммитэ 127 сылын бэлиэтэнэр. Бу бэртээхэй оонньууну АХШ Массачусетс штатын Холиоке куоракка Уильям Морган төрүттээбитэ. Саха Сиригэр волейбол оонньуута биир саамай маассабай успуорт көрүҥүнэн биллэр. Өрөспүүбүлүкэ үрдүнэн барыта 30-тан тахса тыһыынча киһи волейбол успуордунан дьарыктанар. Быйыл Арассыыйатааҕы волейбол успуорда 100 сыллаах үбүлүөйүн бэлиэтиир. Манна туһуламмыт бэтэрээн дьахталлар уонна эр дьон хамаандаларын өрөспүүбүлүкэтээҕи сылга бастакы күөн көрсүһүүлэрэ тохсунньу 28-29 күннэригэр ыытыллыбыта.
Билигин СӨ Волейболга Федерацията Дьокуускайга саҥа волейбол Киин эбийиэгин туттарары туруорсар. Волейбол оонньуута успуорт көрүҥүн быһыытынан маассабайдык тарҕанан уонна ыччакка наадыйыыта үрдээбитинэн, бу сытыы боппуруос өрөспүүбүлүкэҕэ сиппитэ-хоппута ыраатта.
Сахабыт Сирин волейболистарыгар успуорт былаһааккаларыгар ситиһиилэри уонна кыайыылары баҕарабын! Өрөспүүбүлүкэҕэ волейбол успуорт көрүҥэ өрүү сайда турдун!
-
4
-
0
-
0
-
0
-
0
-
0
