-Сахабыт Сиригэр кэлбит ыалдьыттарбын, доҕотторбун: Бүрээтийэ Өрөспүүбүлүкэтин Хуралын дьокутаатын, Хурал судаарыстыбаннай тутулга, олохтоох салайыныыга уонна судаарыстыбаннай сулууспаҕа кэмитиэтин чилиэнин, Улан-Удэ куораттааҕы балыыһатын кылаабынай бырааһын, мэдиссиинэ билимин хандьыдаатын Михаил Итыгиловы уонна Улан-Удэ куораттааҕы балыыһатын паллиативнай мэдиссиинэ көмөтүн отделениетын сэбиэдиссэйин, Улан-Удэ куораттааҕы дьокутааттар Сэбиэттэрин Ыччат палаататын бэрэссэдээтэлин солбуйааччы Сергей Дашыбиловы дойдубар үөрэ-көтө көрүстүм.
Кэллиэгэлэрбин офтальмологическай балыыһа үлэтин кытта билиһиннэрдим. Салгыы өрөспүүбүлүкэ парламеныгар - Ил Түмэҥҥэ кэлэ сылдьан Сударыстыбаннай Мунньах (Ил Түмэн) Бэрэссэдээтэлин солобуйааччы Афанасий Владимировка көрсүһүү буолла. Онно дьокутааттар үлэлэрин туһунан кэпсэттибит, уопсай биир кыһалҕаларбытын: дьэллик ыттары көрүү-харайыы уустуктарын быһаарыы, олохтоох салайыныы сокуонун олоххо киллэрии, Анал байыаннай дьайыы кыттыылаахтарыгар көмө уо.д.а туһунан санааларбытын атастастыбыт. Манна диэн эттэххэ, Михаил Юрьевич Муома улууһун Хонуу сэлиэнньэтигэр төрөөбүтэ уонна оскуоланы бүтэрбитэ. Көрсүһүүлэртэн үөрдүбүт, астынныбыт. Аны Бүрээтийэҕэ ыытыллыахтаах Байкаллааҕы ыччат мэдиссиинэтин пуорумугар көрсүөхпүт, -диэн дьокутаат кэллиэгэлэрин кытта көрсүһүүнү сырдаппыт.
Хаартыскалар: Иван Луцкан телеграм-ханаала
-
3
-
0
-
0
-
0
-
0
-
0
