Саха Сиригэр туризмы сайыннарарга судаарыстыбаннай бэлиитикэ сүрүн тосхоллорун парламент истиитигэр таһаардылар. Сис кэмитиэт бэрэссэдээтэлэ Алексей Корнилов Арассыыйаҕа туризм салаатын сыыппараҕа көһөрөргө Федерация Сэбиэтин сэминээригэр кытынна.
Дьокутааттар дойдуга нолуок реформата киирэрин дьүүллэстилэр. 2025 с. УСН нолуогу төлүүргэ кэккэ уларыйыылар киирдилэр, сылга 60 мөл. солк. тахса үбү киллэрэр урбаанньыттар федеральнай бүддьүөккэ НДС төлүөхтэрэ, ый ахсын отчуот туттарыахтара, төлөбүрдэрин абаансанан киллэриэхтэрэ.
Урбаанньыттар өрөспүүбүлүкэҕэ табаары тимир суолунан тиэрдэллэригэр үгүстүк хойутааһын тахсарын бэлиэтииллэр, таһаҕас нэдиэлэнэн, сороҕор ыйы-ыйдаан турар. Саас-күһүн өрүһү туоруур суол сабыллар кэмигэр Уһук хоту улуустарга бородуукта саппааһын хааччыйарга долгуйуу тахсар. Маны быһаарарга сис кэмитиэт Судаарыстыбаннай Дуума дьокутааттарын кытта бииргэ үлэлэһиэхтээх.
Хаартыска: Ил Түмэн урбааҥҥа уонна туризмҥа сис кэмитиэтин архыыбыттан.
-
0
-
0
-
1
-
0
-
0
-
0
