«Биһиги «Саха сиригэр оҥоһуллубут» бренд киэҥник тарҕанарыгар болҕомтобутун уурабыт, дойду араас муннуктарыгар бренд биллэр буоларыгар кыһаллабыт. Бэс ыйын 10 күнүгэр Саха сирин табаары оҥорооччуларын уонна Татарстаан атыы-эргиэн ситимин бэрэстэбиитэллэрин кытары көрсүһүүнү тэрийбиппит. Татарстаан өрөспүүбүлүкэтин ырыынагар Саха сиригэр оҥоһуллубут аһы-үөлү таһаарар туһунан хантараак түһэрсиллибитэ», -- диэн СӨ Урбааҥҥа, атыыга-эргиэҥҥэ уонна туризмҥа миниистирэ Ирина Высоких кэпсиир.
«Бахетле» хампаанньаны кытары Саха Өрөспүүбүлүкэтин «СКИФ», «Сахачай», "Якутия" ФАПК, "Лиханов ИП", «Тирэх» ТХК, оттон «Эдельвейс» супермаркет ситимин кытта «СКИФ» хампаанньа хантараак түһэрсибиттэр.
-
0
-
0
-
0
-
0
-
0
-
0
