«Сорох дьон үлэлэригэр табыллыбакка Казахстааҥҥа көспүттэрэ, баралларыгар дьиэлэрин олох чэпчэки сыанаҕа атыылаабыттара. Эбэтэр аны аҕыйах ыйынан Уһук Илиҥҥи ипэтиэкэҕэ хапсар саастарын ааһан эрэр эдэр ыаллар эмиэ ыксаан, 2-3 хостоох саҥа дьиэни атыылаһарга бастакы усунуоһу төлүүргэ эргэ дьиэлэрин түргэнник атыылаары сыанатын түһэрэллэр. Оннук дьон элбэх.
Олох иннин диэки тохтообокко сайдан иһэр. Билигин аныгы дьиэлэр бастакы этээстэригэр уопсастыбаннай көҕүрэттэр сир, оҕо кэлээскэтин, бэлэсипиэти уурар кладовкалар баар буоллулар. 2018 с. диэри тутуллубут дьиэлэргэ итинник суох этэ.
Куоракка саҥа дьиэлэр Өрүс пуордугар, Сайсаарга, «Билмарт» кэннинэн Покровскайдыыр суолга, Бүлүүлүүр айан аартыгын кытыытыгар о.д.а. сиргэ тутулла тураллар. «Утум» хампаанньа дьиэ тутуутунан эрэ муҥурдаммакка, успуордунан дьарыктанар былаһаакканы, искусственнай күөлү, көҕөрдүүнү, массыына уурар сылаас парковканы оҥоруохтаах. Саҥа дьиэҕэ биир кв.м. 160 000 солк. саҕаланар, бастакы усунуос 20% төлөнүөхтээх.
Аҥаардас сылаас парковка сыаната 3 мөл. солк. тиийдэ. Гимеиҥҥэ баар аҕыйах сылаас парковканы 3,5 мөл. солк. былдьаһыгынан ылаллар, атыттар уочаракка тураллар. Кыһыҥҥы ыйдарга парковканы 20 000 солк. куортамныыллар. Тутааччылар бэйэлэрэ куортамҥа биэрэллэр», — диэн этэр Чэмэлиинэ Кюндяйцева Дьокуускайдааҕы дьиэ-уот пуондатын ипэтиэкэ өрөспүүбүлүкэтээҕи хампаанньатын үлэһитэ.
Дьокуускай үрдүнэн уопсайа 75 саҥа дьиэ тутулла турар, төһө даҕаны сыана ыараабытын, ипэтиэкэ үрдээбитин иһин атыылаһар дьон син биир бааллар диэн этэллэр риэлтордар. 35 диэри саастаах эдэр ыаллар, эбэтэр 6 диэри саастаах оҕолоох дьиэ кэргэттэр, доруобуйа харыстабылын, үөрэх үлэһиттэрэ элбэхтэр, үксүн кинилэр дьиэни кыра бырыһыаннаах ипэтиэкэнэн хамаҕатык атыылаһаллар.
Ааптар хаартыската + Чэмэлиинэ Кюндяйцева архыыбыттан.
-
0
-
0
-
0
-
0
-
0
-
0
