Маны таһынан, Анал байыаннай дьайыы кыттыылааҕа эрэ буолбакка, кини чугас аймахтара (төрөппүттэрэ, бииргэ төрөөбүттэрэ, кэргэнэ) бары 2% ипэтиэкэни ылыахтарын сөп. Сделкаҕа Аҕа дойдуну көмүскээччи кэлэрэ даҕаны ирдэммэт эбит.
Дьокуускайдааҕы дьиэ-уот пуондатын ипэтиэкэ өрөспүүбүлүкэтээҕи хампаанньатын үлэһитэ Чэмэлиинэ Кюндяйцева этэринэн, былырыыҥҥыттан «Ростелеком» үлэһиттэрин 2% ипэтиэкэҕэ киллэрдилэр, ВТБ баан «АЛРОСА» үлэһиттэригэр эмиэ итинник чэпчэтиилээх ипэтиэкэни биэрэр. Күн бүгүн Уһук Илиҥҥи ипэтиэкэнэн 9 мөл. солк. биэрэллэр, ол ыйдааҕы төлөбүрэ 45 000 солк. Бырамыысыланнаска оробуочайдар 300 000 солк. ылаллар, итиччэ улахан хамнастаах дьоҥҥо тоҕо ипэтиэкэ бырыһыанын түһэрбиттэрэ өйдөммөт. Оттон 35-ин ааспыт, кыра хамнастаах дьон 25-30% ипэтиэкэни ылар да кыахтара суох.
Билигин эдэрдэргэ эргиччи табыгастаах кэм тосхойдо, 6 диэри саастаах кыра оҕолоох ыаллар 6% дьиэ кэргэн ипэтиэкэтынан туһаналлар. Эдэр ыаллар 2% Уһук Илиҥҥи ипэтиэкэнэн биир дьиэни Дьокуускайга, иккиһи дьиэ кэргэн ипэтиэкэтинэн Москубаҕа ылаллар диэн этэллэр. Сотору кэминэн оҕо сааһын 14-гэр диэри үрдэтиэхтээхтэр, бырыһыанын кыччатаары ону кэтэһэр ыал элбэх.
Хаартыска Чэмэлиинэ Кюндяйцева архыыбыттан.
-
0
-
0
-
0
-
0
-
0
-
0
