Быйылгы былааҥҥа 1 070 880,8 туонна таһаҕас тиэллиэхтээх. Оттон бүгүҥҥү туругунан, 1 068 799,2 туонната номнуо кэллэ. Ити иһигэр ньиэп, таас чох, ас-үөл, тыа хаһаайыстыбатын бородууксуйата, о.д.а. киирэллэр.
– Коронавирус дьаҥа өрө туран, таһаҕас таһыытын сулууспалара бары санитарнай-эпидемиологическай нуормалары тутуһан ситиһиилээхтик үлэлээтилэр. Төһө да Алдан өрүс уута түстэр, Дьабарыкы Хайа ойуур баһаардарын буруотунан бүрүлүннэр, тустаах таһаҕас Уус Майда уонна Уус Дьааҥы улуустарыгар тиэрдилиннэ, – диэн бастакы вице-премьер Алексей Колодезников отчуоттаата.
Таһаҕас таһыытын хампаанньата алтынны 15 күнүгэр түмүктэнэрэ былааннанар. Ити кэм устата 3,7 тыһ. туонна ньиэби Тикси бөһүөлэгэр тиэрдиэхтэрэ. Дьабарыкы Хайа таас чоҕунан “УК Тепло+” ХЭУо хааччыйыахтара.
СӨ Ил Дарханын уонна Бырабыытылыстыбатын пресс-сулууспатын матырыйаалынан.
- 0
- 0
- 0
- 0
- 0
- 0