Сокуон барылын быһаарыы суругар этиллэринэн, сокуон барыла СӨ “Саха өрөспүүбүлүкэтин олохтоох салайыныы уорганнарын уонна куорат уокуруктарын тыа хаһаайыстыбатын бородууксуйатын оҥорон таһаарыны өйүүр боломуочуйалары биэрэр туһунан” сокуонун РФ Бүддьүөккэ кодексын ыстатыйатыгар сөп түбэһиннэрэр уонна тыа хаһаайыстыбатын судаарыстыбаннай өйөбүлүн саҥа көрүҥүн киллэрэр сыаллаах оҥоһуллубут.
Сокуон барылыгар урукку бэриллэр субвенция маннык көрүҥнэрэ оннунан хаалаллар: 20 муниципальнай тэриллиигэ үүттэн бородууксуйаны оҥорууну өйөөһүҥҥэ, сибииньэ тутар, сылгы үөрүн иитэр, хортуоппуйу олордор, аһаҕас сиргэ оҕуруот аһын олордор, табаны иитэр хаһаайыстыбалары өйөөһүн.
2021 сылтан эбии субвенция бэйэ хаһаайыстыбатыгар ынах сүөһү иитээччилэргэ уонна бурдук олордооччуларга көрүллүөҕэ.
2022 сылтан маннык субвенциялар баар буолуохтара: сылгы уонна сүөһү этиттэн бородууксуйаны оҥорон таһаарааһыны өйүүр, хортуоппуйу, аһаҕас сиргэ оҕуруот аһын олордор, бурдук олордор хаһаайыстыбалары өйүүр.
2021 сылтан субвенция кээмэйэ араас нуорманан оҥоһуллуоҕа.
Үүт туттарыыга – туонната 50 тыһ. солк. (2020 сылга – 35 тыһ. солк. этэ), биир төбө ынах сүөһүгэ – 35 тыһ. солк. (2020 сылга 30 тыһ. солк. этэ) , төрүүр сибиинньэ төбөтүгэр – 12 тыһ. солк., биэ төбөтүгэр – 1,5 тыһ. солк.
Гектар сиргэ олордуллар хортуоппуйга – 23,295 тыһ. солк., аһаҕас сиргэ олордуллар оҕуруот аһыгар гектар сиргэ 34,685 тыһ. солк., гектар сиргэ олордуллар бурдукка – 10 тыһ. солк.
2022 сылтан бу нуормалары улаатыннарыллар туһунан этии киирбит. Тыа сиригэр тэриллибит сүөһү тутар хаһаайыстыбалары өйүүр сыалтан биир ынах төбөтүгэр – 45 тыһ. солк., сылгы үөрүн тутар хаһаайыстыбаларга биэ төбөтүгэр – 25 тыһ. солк.
Гектар сиргэ олордуллар хортуоппуйга – 25 тыһ. солк., гектар аһаҕас сиргэ олордуллар оҕуруот аһыгар – 35 тыһ. солк.
2022 сылтан эбии сувенция көрүллүөҕэ: сүөһү этиттэн биир туонна бородууксуйаҕа – 70 тыһ. солк., сылга этиттэн биир туонна бородууксуйаҕа – 55 тыһ. солк., биир туонна бурдукка – 13 тыһ. солк., туонна хортуоппуйга уонна аһаҕас сиргэ олордуллубут оҕуруот аһылыгар – 10 тыһ. солк.
Саха өрөспүүбүлүкэтин сокуонун РФ бүддьүөтүн кодексатын ыстатыйатыгар сөп тьүбэһиннэрэр сыалтан СӨ бырабыыталыстыбатын уурааҕа тахсыаҕа.
Ил Түмэн пресс-сулууспата.
-
0
-
0
-
0
-
0
-
0
-
0
