Ил Түмэн ахсынньы ортотугар уочараты таһынан пленарнай мунньаҕы ыытара күүтүллэр. Онно дьокутааттар быйылгы бүддьүөккэ уларытыылары бигэргэтиэхтэрэ. Дьокутаат Мария Христофорова дьокутааттар иккис уонна бүтэһиктээх ааҕыыга анаан бэлэмнээн киллэрбит барылларын сыл бүтүөр диэри пленарнай мунньахтарга көрөргө этии киллэрдэ. Парламент салайааччыта дьокутаат этиитигэр сөбүлэстэ эрээри, Ил Дархан көҕүлээбит эрэ этиилэрин Ил Түмэн тэйиччиттэн көрүөн сөбүн санатта. Онтон ураты боппуруостары көрөргө парламент Сэбиэтэ Ил Дарханныын тэҥҥэ сокуон барылларын киллэрэр кыахтанарын инниттэн Судаарыстыбаннай Мунньах регламеныгар уларытыы киллэриэххэ наада эбэтэр дьокутааттар көҕүлээбит барылларын киллэриини Ил Дархан өйүүрүн ситиһиллиэхтээх. Ил Түмэн кэмитиэттэрин салайааччылара буолаары турар XXII пленарнай мунньах бэбиэскэтигэр этиилэри киллэриэхтэрэ.
- 0
- 0
- 0
- 0
- 0
- 0