«Форумҥа 25 млрд солк. суумалаах 41 сөбүлэһиини түһэрсэр былааннаахпыт. Ол курдук, бэйэбит испитигэр дьүүллэспит бырайыакпытын форумҥа таһаардыбыт. Бу бырайыактар биһиги өрөспүүбүлүкэбитигэр олус суолталаахтар», -- диэн Ил Дархан Айсен Николаев «Россия 24» телеканалга эттэ.
Итини таһынан Нерюнгри оройуонугар уонна Дьокуускайга икки кыбаартал тутуутун туһунан сөбүлэһиигэ илии баттаһыы күүтүллэр. Айсен Николаев бэлиэтээбитинэн, бу сөбүлэһиигэ илии баттаннаҕына, саҥа оҕо саадтара, оскуолалар, балыыһалар тутуллуохтара.
Владивостокка бүгүн саҕаламмыт Илиҥҥи экэнэмиичэскэй VI форумҥа өрөспүүбүлүкэттэн тоҕус киһилээх оробуочай бөлөх тиийэн үлэлиир. Форум эрэгийиэннэри сайыннарыыга инвестордары тардар соруктаах ыытыллар.
-
0
-
0
-
0
-
0
-
0
-
0
