Экспедиция “Эһэ арыылара” диэн саҥа заповедникка киирэр Халыма, Чукочья, Кириэстээх өрүстэр тардыыларынан көтө сырытта. Үрүҥ эһэ ахсаана, чуолаан, Илин Сибиирдээҕи муораҕа Эһэ арыыларын утары Чукочья уонна Кириэстээх тумус икки ардыларыгар элбэҕин бэлиэтии көрбүттэр.
Мониторинг кэнниттэн экспедиция кыттыылаахтара тута резерват кордонугар олорон, заповедник сайдыытын сүбэлэстилэр. Бу тэрээһин Госдума айылҕа ресурсаларыгар, бас билиигэ уонна сир сыһыаннаһыыларыгар кэмитиэтин бэрэссэдээтэлэ Николай Николаев Саха сиригэр оробуочай сырыытын бырагырааматыгар киирэринэн кэрэхсэбиллээх.
Кэпсэтиигэ РФ Айылҕа харыстабылыгар министиэристибэтин ураты харыстанар сирдэргэ департаменын дириэктэрэ Алексей Григорьев, СӨ экологияҕа, айылҕаны туһааныыга уонна ойуур хаһаайыстыбатыгар миниистирэ Сахамин Афанасьев, Ил Түмэн экологияҕа, сир сыһыаннаһыыларыгар сис кэмитиэтин бэрэссэдээтэлэ Владимир Прокопьев, “Өлүөнэ очуостара” национальнай паарка дириэктэрэ Аркадий Семенов, “Эһэ арыылара” заповедник салайааччыта Иван Суздалов уонна тустаах министиэристибэ биология ресурсаларыгар дириэксийэтин иниспиэктэрдэрэ кытыннылар.
-
0
-
0
-
0
-
0
-
0
-
0
