"“Востокгосплан“ тэрилтэ Саха сиригэр сыыппараҕа хоту таһаҕаһы тиэрдии моделын пилотнай эрэсиимин оҥорор. Биһиэхэ бу олус суолталаах боппуруос. Сорох сыдьааннара быйыл олоххо киириэхтэрэ диэн эрэнэбит", - диир Айсен Николаев. - Сорох Аартыка оройуоннарыгар атыы-эргиэн логистическай кииннэрин тэрийии оҕуруот аһын уонна фрукта сыаналарын намтатыыга Сэбиэскэй Сойуус кэмиттэн аан бастакы кыахтары үөскэттэ, - диэн кини чуолкайдыыр.
Саха сирин эрэгийиэнэ аан бастакынан хоту таһаҕаһы тиэрдиигэ сыыппараҕа пилотнай бырайыагынан үлэлиэҕэ.
Судаарыстыбаннай былааннааһын Илиҥҥи киинин дириэктэрэ Михаил Кузнецов этэринэн, Саха сирин хотугу оройуоннарыгар таһаҕаһы тиэрдиигэ тырааныспар ороскуотун икки төгүл намтатыаҕа. Маны тэҥэ тырааныспар ороскуотун кэмчилиир кыаҕы үөскэтиэҕэ.
Хоту таһаҕаһы тиэйии ситимин модернизациялааһын - пилота, суоппара суох көтөр ааллары, снегоходтары, аэросанялары уонна кинилэри уларыта тутан холбоон сүрүннүүр солбуйар көрүҥнэрин ньымаларын туһаныы былааннанар. Бу барыта төгүрүк сыл эргиччи хотугу сир оройуоннарыгар тохтобула суох сырыыны хааччыйарга көмөлүөҕэ.
Санатар буоллахха, Ил Дархан Айсен Николаев тохсунньу 13-14 күннэригэр Гайдаровскай пуорумҥа кыттар. Пуорум үгэс быһыытынан, Москваҕа Арассыыйатааҕы норуот хаһаайыстыбатын уонна судаарыстыбаннай сулууспа академиятыгар (РАНХиГС) ыытыллар. Быйыл Гайдаровскай пуорум «Россия и мир: приоритеты» диэн тиэмэлээх ыытыллар.
Пуорум дьыалабыай бырагырааматын чэрчитинэн, Айсен Николаев геологическай салаалар уонна научнай-үөрэтэр киинэр сайдыыларыгар анаммыт дискуссионнай былаһааккаларга эспиэр быһыытынан үлэлиир.
-
0
-
0
-
0
-
0
-
0
-
0
