Кулун тутар 14 күнэ — Дьэбдьэкиэйэп күнэ. Күнүһүн сылыйан ириэһин саҕаланар. Бу күн хотуттан, арҕааттан тыалырдаҕына сайына сөрүүн, хаһыҥнаах, сир аһа аҕыйах буолар. Хаардаатаҕына сайын ардахтаах, саҥа төрөөбүт ый сууннаҕына сайынын өлгөм үүнүү, күүскэ сылыйдаҕына саас эрдэ кэлэр.
Кулун тутар 22 күнүгэр сырдык уонна хараҥа тэҥнэһэр. Онтон сырдык баһыйан барар. Онон бу күн саас саҕаламмыт күнүнэн ааҕыллар.
Кулун тутар 15-20 күннэригэр хайдах халлаан буоларын анаарыыта
Илин эҥээр улуустарга субуота, өрөбүл түүн 29–18, күнүс 18–10 кыраадыс. Онтон сэрэдэҕэ, чэппиэргэ түүнүн 17–12, күнүһүн 4–2 кыраадыс буолуо. Бу өрөбүл күн хаардыаҕа. Ону таһынан, оптуорунньук-сэрэдэ эмиэ хаардыаҕа. Сэрэдэҕэ ынчаҕай хаар буолуоҕа, онон ардах да түһүөн сөп.
Киин улуустарга субуота, өрөбүл түүн 25–17, күнүс 3–11 кыраадыс тымныы буолуо. Кэлэр сэрэдэҕэ, чэппиэргэ түүҥҥү өттүгэр 11–12 кыраадыс тымныы, күнүһүн 4–1 кыраадыс сылаас буолуо. Өрөбүлгэ, бэнидиэнньиккэ хаардыаҕа. Сэрэдэҕэ эмиэ ынчаҕай хаар түһүөҕэ.
Бүлүү эҥээр улуустарга субуота, өрөбүл түүн 14–19 кыраадыс тымныы буолуо, субуотаҕа хаардыаҕа. Бэнидиэнньиккэ эмиэ хаардыаҕа. Сэрэдэ, чэппиэр түүн 7–2 кыраадыс тымныы, күнүс 2–5 кыраадыска тиийэ сылыйыа. Ону таһынан, оптуорунньукка, сэрдэҕэ хаардыаҕа, ардыаҕа сигирээн.
Соҕуруулуу-арҕаа улуустарга субуота, өрөбүл түүҥҥү өттүгэр 18–11 кыраадыс тымныы, күнүһүн 7–8 кыраадыс тымныы буолуо. Сэрэдэҕэ, чэппиэргэ түүн 9–0 кыраадыс буолуо, күнүс 2–6 кыраадыска тиийэ сылыйыа. Субуотаҕа, өрөбүлгэ хаардыаҕа, бэнидиэнньиккэ хаардыаҕа-ардыаҕа, сэрэдэҕэ ардыаҕа, чэппиэргэ хаардаах ардыаҕа.
Өймөкөөҥҥө бу субуота-өрөбүл түүнүн 41-40, күнүһүн 22-21 кыраадыс тымныы буолуо. Сэрэдэ-чэппиэр түүнүн 36-34 кыраадыс тымныы, күнүһүн 16-15 кыраадыс тымныы буолуо.
Дьааҥы эҥээр улуустарга субуота, өрөбүл түүнүн 35-30, күнүһүн 18-16 кыраадыс буолуо. Сэрэдэҕэ-чэппиэргэ түүҥҥү өттүгэр 27-23 буолуо. Өрөбүлгэ, оптуорунньукка, сэрэдэҕэ, чэппиэргэ кыраһа хаардыаҕа.
Халыма–Индигиир улуустарыгар субуота, өрөбүл түүҥҥү өттүгэр 38–34, күнүһүн 19–14. Сэрэдэҕэ, чэппиэргэ түүн 26–32, күнүс 16–13 кыраадыс тымныы буолар. Хаара суох.
Арктика улуустарыгар субуота, өрөбүл түүнүн 15–22, күнүһүн 17–13. Сэрэдэҕэ, чэппиэргэ түүн 24–29, күнүс 22–24 кыраадыс тымныы буолуо. Өрөбүлгэ, бэнидиэнньиккэ, оптуорунньукка хаардыаҕа.
Урукку сыллар курдук, кулун тутар 21-22 күннэригэр сылаас циклон кэлиэҕэ. Онон Бүлүү эҥээр улуустарга уонна Өлүөхүмэ эҥээр улуустарга ардыаҕа, ону таһынан киин да улуустарга хабан аастаҕына көҥүлэ.
Күҥҥэ эстиилэр
Бу ыйга күҥҥэ наһаа элбэх эстиилэр күүтүллэллэр. Субуота, өрөбүл, бэнидиэнньик, оптуорунньук 4-түү бааллаах эстиилэр, сэрэдэҕэ — 3 бааллаах, чэппиэргэ — 2 бааллаах. Онон бу күннэргэ бары сэрэнэ сылдьыҥ. Эмкитин чугас тутуҥ, ыраах барымаҥ-кэлимэҥ. Ордук тырааныспардаах дьон сэрэнэн айаннааҥ.
Тарас Тарасов-Тускул
-
0
-
0
-
0
-
0
-
0
-
0
