Дьокуускай Күөх хонуутуттан саҕалаан Кальвица, Челюскин, Горькай, Сиинэ сэлиэнньэтин Юбилейнай уонна Покровскай куоракка Орджоникидзе уулуссаларыгар уонна Жатай аттыгар уот турбутун туһунан суһал иһитиннэриилэр киирбиттэр. Ити быһылаан түмүгэр, 5,6 га сир уокка былдьаммыт. Уот туруутугар, биллэн турар, икки атахтаах буруйдаах, уоту-күөһү сэрэҕэ суох туттууттан ити баһаардар турбуттар. Уоту бопсууга барыта 46 анал үлэһит уонна тоҕус тиэхиньикэ кыттыбыт. Саха сиринээҕи Ыксаллаах быһыыга-майгыга сулууспата уоту сэрэхтээхтик туттарга ыҥырар. Билигин халлаан куйаардаҕын аайы кур сэтиэнэх, кур лаҥха буораахтааҕар кутталлаах буолаллар.
-
0
-
0
-
0
-
0
-
0
-
0
