Билигин уопсайа 444 галаах сиргэ 8 ойуур баһаарын умуллара сылдьаллар. Бу баһаардар Томпо, Ньурба, Нам, Өлүөхүмэ уонна Үөһээ Бүлүү улуустарыгар бааллар. Билиҥҥитэ 3 уоту төгүрүйдүлэр. Уоту кытта уопсайа 291 киһилээх уонна 28 тиэхиньикэлээх бөлөхтөр охсуһа сылдьаллар.
Маны таһынан, 11 ойуур баһаара 3840 галаах сири хабан, киһи кыайан тиийбэт сирдэригэр умайаллар. Билигин бу уоттары хонтуруолга ылан олороллор.
Ааспыт суукка устата 0,5 галаах уоту умулларбыттар. Билиҥҥитэ Ньурба улууһугар балаһыанньа син көммүт. Эрдэтээҕи иһитиннэриилэргэ, бу улууска уустук балаһыанньа үөскээбитин туһунан этиллэрэ. Ньурба баһаардарыгар сибилигин күүстээх үлэ-хамнас бара турар. Барыта былаанынан бардаҕына, уоттары төгүрүйүөхтэрин сөп.
-
0
-
0
-
0
-
0
-
0
-
0
