Издательский дом Редакция Подписка
Погода в Якутске: . -14 oC

Бүгүҥҥү туругунан уоту кытта охсуһааччылар икки ойуур баһаарын умуллардылар уонна өссө икки баһаары төгүрүйдүлэр.

Бүгүҥҥү туругунан уоту кытта охсуһааччылар икки ойуур баһаарын умуллардылар уонна өссө икки баһаары төгүрүйдүлэр.

Уоттан босхоломмут  сир уопсай иэнэ 26 гаҕа тэҥнэһэр. Оттон Хаҥалас уонна Ленскэй улуустарыгар икки баһаары төгүрүйдүлэр.

“Билигин нэһилиэнньэлээх пууннартан 10 км чугас сирдэргэ сэттэ ойуур баһаара бэлиэтэнэр. Ону умулларыыга бары күүһү-күдэҕи уурабыт. Соннук улахан уоттар Ньурба улууһун Маарын, Сунтаар улууһун Тумулун, Үөһээ Бүлүү улууһун Булгунньахтааҕын, Томпо улууһун Хандыгатын, Уус Майда улууһун Белькачитын, Ленскэй улууһун Ленскэйин, Өймөкөөн улууһун аэропордун чугаһыгар умайа тураллар”, – диэн СӨ Ил Дарханын уонна бырабыыталыстыбатын саайтыгар иһитиннэрэллэр.

Күн бүгүн өрөспүүбүлүкэ үрдүнэн 9 улууска 9 ойуур баһаарын умуллараллар: Үөһээ Бүлүүгэ, Ленскэйгэ, Мииринэйгэ, Ньурбаҕа, Сунтаарга, Томпоҕо, Өймөкөөҥҥө, Уус Майдаҕа уонна Хаҥаласка.

Бүгүҥҥү туругунан, нэһилиэнньэлээх пууннарга куттал суоһаабат. Уопсайа уоту утары Саха сирин үрдүнэн 872 киһи охсуһар. Сорох улуустарга Рослесхоз федеральнай резервэтин эбии күүстэрин туһаналлар. Маны таһынан, 98 тиэхиньикэ туттуллар, ол иһигэр 14 сөмөлүөт, 5 бөртөлүөт ойууру үөһэттэн кэтээн көрөллөр, саҥа баһаардары көрдүүллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением