Бырайыак быһыытынан кырдьаҕас Табаҕа өртүттэн түөрт тирэх туруоруллуохтаах, тирэхтэргэ 103 сыбаайалаах. Тутуу былаһааккатыгар Тюменнааҕы «СтальМост» собуоттан сүрүн тирэхтэргэ туттуллар тэриллэри тиэйии быыстала суох барар.
«ВИС» бөлөх коффердамнары таҥарга (сүрүн үөскэ тирэхтэри тутарга) бэлэмнэнэр. Кытылга анал былаһаакка кутан бэлэмнэниллибит, бөҕөргөтүү үлэтэ ыытыллар.
Соторунан уҥа кытылга (Хаптаҕай өттө) сыбаайалары туруоруу үлэтэ саҕаланыахтаах. Билигин бу өттүгэр бетоннай собуот үлэлээн эрэр, икки үүттүүр массыына таҥылынна. Онно анаан 120 араама каркаас бэлэмнэннэ. Бу кытылга Тамма үрэх сүнньүн көннөрүү үлэтин 90 % толоруллубут.
Өлүөнэ муостатын тутууга 150 киһи, 55 тиэхиньикэ үлэлиир. Саха сириттэн бэдэрээттэһэр тэрилтэлэри бу үлэлэргэ кыттыннарыы барар. Бу - улахан сорук быһыытынан турар диэн СӨ Ил Дарханын уонна Бырабыыталыстыбатын пресс-сулууспата иһитиннэрэр
Хаартыска: sakha.gov.ru
-
3
-
0
-
0
-
0
-
0
-
0
