Маҥнайгы түһүмэххэ Октябрьскай уулуссаттан Кулаковскай уулуссатыгар диэри сырыы арыллара быланнанар.
Куорат дьаһалтатын пресс-сулууспата бэлиэтээбитинэн, билигин проспект суолун өрөмүөн кэннэ туругун кэтээн көрөллөр. Суол технологическай көрдөрүүлэргэ эппиэттиир түбэлтэтигэр, сырыыны ити этиллибит кэрчиккэ арыйыахтара.
Санатар буоллахха бу өрөмүөн үлэтэ алтынньы ый 7 күнүгэр саҕаламмыта. Суолу оҥоруу эрдэ олохтоммут былааныттан хаалыы төрүөтүнэн, Петровскай уонна Ленин улууссаларын силбэһиилэригэр дьон көмүүтүн көстүүтэ буолбута. Археологтар мантан уопсайа алта киһи уҥуоҕун хостообуттара. Бу хаһыы үлэлэрин салайбыт Аартыкатааҕы олохтоох чинчийэр киин научнай үлэһитэ Елена Соловьева сырдаппытынан, бу көмүүлэр XVIII үйэ маҥнайгы аҥаарыгар киирсиэхтэрин сөп эбит.
Итиэннэ өрөмүөн үлэтин иккис харгыһынан коллектордар эмсэҕэлээһиннэрин туоратыы үлэтэ тардылык буолбутун туһунан санаталлар.
-
0
-
0
-
0
-
0
-
0
-
0
