Издательский дом Редакция Подписка
Погода в Якутске: . -12 oC

Булуҥ улууһун Тикси бөһүөлэгэр “Култуура” национальнай бырайыак чэрчитинэн Саха сирин бастакы арктикатааҕы модельнай бибилитиэкэтэ үлэҕэ киирдэ.

Булуҥ улууһун Тикси бөһүөлэгэр “Култуура” национальнай бырайыак чэрчитинэн Саха сирин бастакы арктикатааҕы модельнай бибилитиэкэтэ үлэҕэ киирдэ.

2019 сылга “Култуура” национальнай бырайыак чэрчитинэн улуустааҕы оҕо бибилитиэкэтэ Тикситээҕи салаатын саҥардыыга, модельнай ыстандаарка сөп түбэһиннэрэргэ анал куонкурсу кыайбыт. Ол түмүгүнэн 5 мөл. солк. көмө харчы көрүллүбүт. Онон саҥа миэбэл, модульнай остуоллары, стендалары, долбуурдары, о.д.а. атыыласпыттар. Ону сэргэ дьиэ кэргэн сынньалаҥын уонна ааҕыытын хоһо арыллыбыт. Маннык хоско ааҕааччылар өрдөөҕүттэн баҕара сылдьыбыттар эбит. Бу хоско аныгылыы интерактивнай дуоска, проектор, ноутбук уонна акустика систиэмэтэ турбуттар. Ону таһынан, 3 көмпүүтэрдээх, интернеттаах аччыгый смарт-лабаратыарыйа тэриллибит.

– Ааҕааччыларбыт полиграфическай өҥөлөрүнэн туһанар кыахтаннылар. Ол курдук, тиэкиһи бэчэттиир, сканердыыр, куопуйа уонна брошюра оҥорор усулуобуйа үөскээтэ. Өҥнөөх принтер, сканер уонна МФУ атыыластыбыт. Биһиги ыра санаабыт олоххо киирэн үөрүүбүт үгүс. Бу түгэн бөһүөлэк олоҕор улахан суолталаах, – диэн бибилитиэкэ дириэктэрэ Айталина Иванова санаатын үллэһиннэ.

Бибилитиэкэ үөрүүлээх аһыллыытынан СӨ култуураҕа уонна духуобунаска миниистирэ Юрий Куприянов, РФ култуураҕа миниистирин солбуйааччы Ольга Ярилова,  Арассыыйа судаарыстыбаннай бибилитиэкэтин генеральнай дириэктэрэ Вадим Дуд, уо.д.а. быһа сибээһинэн тахсан Тикси дьонун-сэргэтин, бибилитиэкэ үлэһиттэрин эҕэрдэлээтилэр.  

6464

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением