Издательский дом Редакция Подписка
Погода в Якутске: . -12 oC

Биэнсийэҕэ тахсара чугаһаабыт эрээри, үлэтэ суох киһи босуобуйатын кээмэйэ улаатар буолла. Ону Арассыыйа хамыыһыйата үс өрүттээх докумуонунан бигэргэттэ.

Биэнсийэҕэ тахсара чугаһаабыт эрээри, үлэтэ суох киһи босуобуйатын кээмэйэ улаатар буолла. Ону Арассыыйа хамыыһыйата үс өрүттээх докумуонунан бигэргэттэ.

2018 сыл ахсынньы 31 күнүгэр диэри үлэтэ суох хаалбыттар босуобуйаларын үрдэтэргэ сайабылыанньа биэриэхтэрин сөп. Маннык быраабынан кинилэр РФ Үлэҕэ министиэристибэтэ бэлэмнээбит сокуонун барылын Госдума ылыннаҕына туһаныахтара. Докумуону Арассыыйа хамыыһыйата бигэргэппитин туһунан «Российская газета» иһитиннэрэр.

Үлэ министиэристибэтэ быһаарарынан, биэнсийэҕэ тахсара чугаһаан баран, үлэтэ суох статуһун 2018 сыл ахсынньы 31 күнүгэр диэри ылбыт дьон билиҥҥи босуобуйалара 8 тыһыынча солкуобай курдук. Оттон 2019 сылтан бэттэх үлэтэ суох хаалбыттар босуобуйалара -- - 11,3 тыһ. солкуобайга диэри. Дьэ, кыһыы диэтэҕиҥ!

Конституционнай суут маннык быһыыны сиэрэ суоҕунан уонна Конституцияҕа сөп түбэспэтинэн ааҕар.

Онон босуобуйаны хаттаан ааҕыы буолар. Ол гражданнар сайабылыанньаларыгар олоҕуран оҥоһуллуо. Маныаха кинилэр бу статуһу 2018 сыл ахсынньы 31 күнүгэр диэри ылбыт  уонна биэнсийэҕэ тахсаллара чугаһаабыт буолуохтааҕын өссө төгүл тоһоҕолоон этэбит.

Санаттахха, 2019 сылтан биэнсийэҕэ тахсаллара биэс сыл хаалбыттарга хас даҕаны чэпчэтии көрүллэр. Ол курдук, сылга иккитэ диспансеризацияны ааһарга төлөнөр отгул бэриллэр. Маныаха үлэһит сайабылыанньа суруйуохтаах, үлэлээбэт күннэрин салалтатын кытары бигэргэтиэхтээх.

Саастаах дьону ууратар эмиэ уустук буолбут. Холобура, сааһынан атаҕастаныы дакаастанар түгэнигэр, үлэ биэрээччи 200 тыһыынча солкуобайга диэри ыстарааптаныан сөп. Эбэтэр 360 чаас болдьохтоох босхо үлэнэн накаастаныан сөп.

Оттон биэнсийэҕэ тахсыан иннинэ саастаах киһи үлэтэ суох хаалар түгэнигэр (холобур үлэлиир хампаанньата моҥкуруут (банкрот) бардаҕына эбэтэр сабыллыбыт буоллаҕына), киниэхэ үрдэтиллибит босуобуйа ананар.

Өскөтүн бу киһи үлэтэ суох буолбута 12 ыйтан ыраата илик уонна ол иннинэ 26 нэдиэлэттэн уһун кэм үлэлээбит буоллаҕына, сыл устата киниэхэ үрдэтиллибит босуобуйа төлөнөр.

Маҥнайгы үс ый устата бүтэһик үлэлээбит сирин үс ыйдаах хамнаһын орто кээмэйин 75%-а төлөнөр. Кэлэр 4 ыйга— орто хамнаһыттан 60%-а. Онтон кэлин хамнас 45%.-а. Ол эрэн, хайдах да хамнастаах буолбутун иһин, муҥутуур босуобуйа биир ыйга 11 280 солкуобайга тэҥнэһэр.

Билигин биэнсийэҕэ тахсыан иннинээҕи саастаахтарга нолуокка чэпчэтиилэр киирдилэр. Ол курдук, биир хамсаабат баай-дуол (кыбартыыра, дьиэ, гараас, хаһаайыстыбаннай тутуулар) нолуогуттан босхолонуохха сөп. Алта суотайтан кыра учаастакка нолуок төлөммөт. Урут маннык чэпчэтиилэринэн биэнсийэлээхтэр эрэ туһанар кыахтаахтара, билигин биэнсийэҕэ тахсыан иннинэ саастаахтар эмиэ.

Манна сыһыаран эттэххэ, бырабыыталыстыба социальнай өйөбүлүнэн туһаныыга чэпчэтиилэри киллэрэр. 2025 сылга диэри социальнай эйгэҕэ  Кииннэммит биир цифровой платформа үлэлиэ. Бу платформа сүрүн сыала – пенсионнай пуондаҕа, ФСС-ка уонна мэдиссиинэ-социальнай федеральнай тэрилтэлэригэр бэриллэр докумуоннар ахсааннарын аччатыы, судаарыстыбаннай өҥөлөр толоруллар болдьохторун түргэтэтии, өҥөнү электроннайдык оҥоруу.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением