Саха Сирэ 1,54 млрд солк. кирэдьиити ылыаҕа
Издательский дом Редакция Подписка
Погода в Якутске: . 1 oC

Саха Сирэ Дьокуускай куорат комплекснай тутуутун итиинэн, уотунан-күөһүнэн хааччыйарыгар уонна Өлүөнэ өрүһү туоруур муостаны тутарыгар инфраструктурнай бүддьүөт кирэдьиитин ылара билиннэ.

Саха Сирэ Дьокуускай куорат комплекснай тутуутун итиинэн, уотунан-күөһүнэн хааччыйарыгар уонна Өлүөнэ өрүһү туоруур муостаны тутарыгар инфраструктурнай бүддьүөт кирэдьиитин ылара билиннэ.

Кирэдьиит уопсай суумата 1,54 млрд. солк. буолуоҕа. Бу туһунан Кабмин саайтыгар суруйаллар:

 “Өрөспүүбүлүкэ 1,54 млрд. солк. суумалаах бүддьүөт кирэдьиитин Өлүөнэни туоруур муоста бырайыагын оҥорорго, тутарга уонна үлэҕэ киллэрэргэ (эксплуатациялыырга) ылыаҕа. Үп сороҕо Дьокуускай куорат улахан комплекснай тутуутун итиинэн, уотунан-күөһүнэн хааччыйарга ананыаҕа. Бырайыак анаммыт үп 265 тыһ. кв.м иэннээх эбийиэги хааччыйыаҕа. Манна 4 тыһ. кэриҥэ үлэ миэстэтэ тахсыаҕа”.

Ил Дархан Айсен Николаев тутуу матырыйаалларын сыаната үрдээбитинэн, Өлүөнэ муостатын тутуу үбэ улаатарын күүтэллэрин туһунан эрдэ этэн турар. 2021 сыл балаҕан ыйыгар РФ Үпкэ министиэристибэтэ “муоста тутуутун 33 %-на эрэгийиэн, 33 %-на федеральнай бүддьүөттэн уонна хаалбыт 33 %-на чааһынай партнёрдартан үбүлэннин” диэн этии киллэрэн турар. Бу этиини Ил Дархан сөбө суоҕунан аахпыта.

Былаан быһыытынан, Өлүөнэни туоруур муоста Эргэ Табаҕа сэлиэнньэтиттэн (Дьокуускай куорат уокурун сиригэр-уотугар киирэр) Мэҥэ Хаҥалас Хаптаҕай сэлиэнньэтигэр диэри тардыллыахтаах. Күргэ тутулуннаҕына, өрөспүүбүлүкэ тырааныспарын логистиката биллэ тупсуохтаах. Ол курдук, хас даҕаны федеральнай маршруту хааччыйыахтаах: тимир, өрүс, авиация суолларын, маны таһынан “Бүлүү”, “Халыма”, “Өлүөнэ” федеральнай трассалары.

Муоста үлэҕэ киирдэҕинэ, эрэгийиэҥҥэ таһаҕаһы тиэйии 3 төгүл улаатыахтаах, ыйааһына сылга 6 мөл. туоннаҕа тиийиэ диэн былаанныыллар.  

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости