Издательский дом Редакция Подписка
Погода в Якутске: . -12 oC

 Быйыл дойдубут Бэрэсидьиэнэ үбүлээһининэн оскуолалар хапытаалынай өрөмүөннэрэ саҕаланан, араас сирдэргэ үлэ бөҕөтө бара турар.

 Быйыл дойдубут Бэрэсидьиэнэ үбүлээһининэн оскуолалар хапытаалынай өрөмүөннэрэ саҕаланан, араас сирдэргэ үлэ бөҕөтө бара турар.

 Ол курдук, биһиги оскуолабытыгар, Уһук Хоту Аартыка улуустарыттан биирдэстэригэр, Орто Халыма Өлөөкө Күөлүгэр эмиэ хапытаалынай өрөмүөн саҕаланан, икки сыл устата ыытыллыахтаах.

     Биһиги оскуолабыт 1989 сыллаахха тутуллан үлэҕэ киирбитэ. Бэйэтигэр сыһыары спорт саалалаах мас оскуолабыт билигин олус эргэрэн, хамсаан, кыһынын олус тымныы. Былырыын «Успех каждого ребенка» бырайыагынан спортивнай саалабыт өрөмүөнэ ыытыллыбыта.

IMG 20220713 WA0013

Иһиттэн-таһыттан көтүрэн, итиини тутар матырыйаалынан бүрүйэн, түннүктэрин, ааннарын саҥардан, тупсаран, сытыйбыт-эмэҕирбит фундаменын маһын уларытан, муостатын көтүрэн, эбии ититэр аныгы матырыйаалынан толорон биэрбиттэрэ. Онно Дьокуускайтан тутааччылар кэлэн үлэлээннэр, үөрэнээччилэр, учууталлар, оскуола үлэһиттэрэ бары ханапаакылаан, кырааскалаан, муостатыгар шлак таһан субуотунньуктаабыппыт. Онон быйыл саалабыт олус итии, сып-сырдык, сабыс-саҥа диэххэ сөп.

IMG 20220713 WA0001

Оттон быйыл бэс ыйыттан оскуолабыт өрөмүөнэ саҕаланна. Манна сакаастааччы улууспут аҕа баһылыга Евгений Михайлович Слепцов буолар. Кини биллэрбит тутуу тендерин кыайыылааҕа Михаил Леонидович Сергеев салайааччылаах «Алдан-Строй» ХЭТ үс киһилээх биригээдэтэ кэлэн үлэлии сылдьар. Кинилэргэ көмөлөһөн, эмэҕирбит фундамен маһын уларытыыга, оскуола таһын, муостатын көтүрүүгэ, дуоска эрбэтии үлэтигэр бэйэбит олохтоох нэһилиэнньэбититтэн үс биригээдэ тэриллибитэ. Онон үлэ сарсыардаттан киэһээҥҥэ диэри күөстүү оргуйар. Тутааччылар быйылгы былааннарынан оскуолабыт таһын  көтүрэн баран бүрүйүөхтээхтэр, кырыыһатын көтүрэн саҥардыахтаахтар, түннүктэри уларытыахтаахтар, муостатын көтүрэн, ититэн, саҥардан тэлгиэхтээхтэр. Маны барытын  атырдьах ыйын саҕаланыыта  бүтэрэн туттарыахтаахтар. Оттон эһиил оскуолабыт иһин тупсарыыга, ититиитин саҥардыыга үлэ ыытыллара былааннанар.

Биһиги -- оҕолор, төрөппүттэр, учууталлар, олохтоохтор -- бука бары оскуолабыт өрөмүөнэ бүтэрин, сып-сылаас оскуолаҕа үөрэнэ, үлэлии үөрэ-көтө кэлэрбитин олус күүтэбит.

Винокурова Гея ,

11 кылаас

Орто Халыма, Өлөөкө Күөл б.

           

           

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением