Издательский дом Редакция Подписка
Погода в Якутске: . 26 oC

Бибилэтиэкэлэр ханна даҕаны – оскуола иһиттэн саҕалаан, бүтүн Арассыыйа таһымыгар тиийэ – наһаа үчүгэй тэрээһиннэри ыытар үгэстээхтэр.  Ол онтон биир киэҥ далааһыннаах аахсыйалара “Библионочь” буолар.

Бибилэтиэкэлэр ханна даҕаны – оскуола иһиттэн саҕалаан, бүтүн Арассыыйа таһымыгар тиийэ – наһаа үчүгэй тэрээһиннэри ыытар үгэстээхтэр.  Ол онтон биир киэҥ далааһыннаах аахсыйалара “Библионочь” буолар.

061513efdf678095372ade997a6d64e5 jpg

Быйылгы “Библионочь” Дьиэ кэргэн сылынан “Читаем всей семьей” диэн тосхоллоох ыытылынна.

dd73ad40 f156 4268 9c48 23da5da6eead

Бү күн СӨ Национальнай бибилэтиэкэтигэр күнүскүттэн киэһэ хойукка диэри  кэрэхсэбиллээх көрсүһүүлэр, өйү сайыннарар араас оонньуулар, билиини тургутар күрэхтэһиилэр, сатабылга уһуйар маастар-кылаастар ыытылыннылар.

5750d55b 1ab4 4b1c 813d c7f9d309e923

        97793b15 e417 4241 8261 638374a508cb

Оруобуна бу күн “Тотальный диктант” күнэ түбэһэн, бастаан бэйэни бэрэбиэркэлэнэ таарыйа, нууччалыы таба суруйуу аахсыйатыгар кыттыстылар. 

d81e939f 6d59 4edf bfac e3f28b4c8dd2

Икки былаһаакканан барыта 60-тан тахса киһи дьыктаан суруйда. “Дорогой дневник” диэн наһаа ыарахана суох тиэкиһи хоһоонньут Ирина Курилюк-Ирэн Дрозд уонна ХИФУ филологическай факультетын преподавателэ Аммосова Анастасия Алексеева дорҕоонноохтук аахтылар.

Screenshot 3

Хайдах суруйбуттарын муус устар 25 күнүгэр totaldict.ru. сигэнэн киирэн көрүөхтэрин сөп.

08773efa 8c7a 4351 865f 6e77259d0922

Дьэ, онтон үөрүүлээх быһыыга-майгыга 2023 сыл түмүгүнэн Национальнай бибилэтиэкэ бастыҥ ааҕааччыларын чиэстээтилэр. Дириэктэри солбуйааччы  Светлана Попова наҕараадалаата.

Screenshot 1

 35-тэригэр диэри саастаах ыччакка Айыына Афанасьева, улахан дьоҥҥо Васильев Юрий Титович, дьиэ кэргэттэргэ Ирина Николаевна уонна Иван Иванович Каженкиннар ааттаннылар. Электроннай бибилэтиэкэбит пуондатыттан СӨ наукаларын академиятын үлэһитэ Варвара Васильевна Филиппова  2179, оттон «Литрес»-тэн Галина Ивановна Адамова 256 кинигэни онлайн аахпыттара бигэргэннэ. ЭБ өҥөтүнэн барылардааҕар үгүстүк Үөһээ Бүлүүттэн Мария Пантелеймоновна Егорова туһанарын тус кэбиниэтин көҕүнэн быһаардылар. Бэйэбит үлэһиттэрбититтэн Елена Валентиновна Хосоева уонна Валентина Викторовна Гуляева бастыҥ ааҕааччыларынан бэлиэтэннилэр.

Screenshot 4

Бу күн «Семейная книжная реликвия» куонкурус түмүгүн таһаардылар. Сэттэ улуустан уонна Дьокуускайтан барыта 18 кыттааччы  кэриэс мал кэриэтэ күндүтүк саныыр уонна сыаналыыр кинигэлэрин билиһиннэрдилэр.

2fee67db f665 4f85 bbf2 0b1a768cdce6

-Мин бэйэм төрдүм Орто Халыма. Былыр онно сахалар хантан кэлиэхтэрэй? Мантан үтүрүллэн бардахтара дии.  Хаҥаластар тиийэн, билигин I уонна II Хаҥалас нэһилиэктэрэ  баар.  Ол сахалара биһиги, Варлаам ыччаттара, буолабыт. Төрдүбүтүн, төрүччүбүтүн билээри, архыыбы хасыһан, син элбэх матырыйаалы булбуппут. Онтукабытынан 2019 сыллаахха архыыптар ыыппыт күрэхтэһиилэригэр иккистээн турабыт. Онтон кынаттанан, кыыспын кытта бэлэмнээн, 2022 сыллаахха “Варлаам ыччаттара” диэн кинигэни бэчээттэппиппит. Онтукабыт биһиги аймахха саамай күндү мал буолла. Бу удьуор утум кинигэтэ көлүөнэттэн көлүөнэҕэ бэриллэн иһиэ буоллаҕа дии, - диэн санаатын үллэһиннэ Татьяна Васильевна Гуляева.

СӨ үтүөлээх учуутала Розалия Иннокентьевна Попова ытыс саҕа миниатюрнай кинигэлэри мунньарын кэпсээтэ. Кини дьонуттан тиксибит патефонун илдьэ кэлэн тыаһаппыта, иһирэх түгэни ураты истиҥ эйгэлээн биэрдэ, киэргэттэ.

9faba5c6 b551 4f40 a07a ca1c10be2a5d

Дьүүллүүр сүбэ быһаарыытынан, ыччакка Оҕотоойоп олоҥхотуттан быһа тардан толорбут, “Элэс Боотур” кинигэ кинилэргэ ураты суолтатын сырдаппыт Айтал Необутов (Дьокуускай) бастаата, II м – Ирена Кардашевская (Ороһу, Үөһээ Бүлүү) , III  м – Аня Яковлева (Элгээйи, Сунтаар).

e9903cf6 0943 41cd a466 119d95347e5a

  Улахан дьоҥҥо куорат олохтоохторо миэстэлэстилэр: I степеннээх Диплому тутта – Розалия Попова. Горькай "Мать" кинигэтэ  тоҕо киниэхэ күндүтүн сэһэргээбит Любовь Петросян иккистээтэ, Евдокия Бочкарева үһүстээтэ. Кыттыбыттарга  барыларыгар - Туоһу сурук.

941cc87a 629e 4c15 8a92 5d3a805c0830

Бибилэтиэкэ үлэһитэ Туйаара Готовцева бэлэмнээбит “Саамай, саамай...” диэн быыстапката дьон болҕомтотун тарта. Холобура, Национальнай бибилэтиэкэ “саамай ыарахан” кинигэтэ 6.5 кг ыйааһыннаах эбит. “Саамай төкүнүк” быһыылаах –  Эдьиий Дора туһунан Огдо суруйбут кинигэтэ. “Саамай мааны” - Августина Филиппова күлүмүрдүүр таастаах, атлас таҥас хахтаах фотоальбома.

48879f17 c9ee 4599 96b9 b2be463b19e9

Суруйааччылар сөбүлүүр аһылыктарынан менюлаах литературнай кафены ким да тумнан ааспата. Биир бэйэм Пушкин сүбүөкүлэлээх, хортуоппуйдаах, оҕурсуулаах рулетын атыылаһан амсайдым, амтаныттан астынным. Аны, көрдөрүүгэ турбут бүлүүдэлэри киэһэтин аукциоҥҥа оонньоттулар. Бибилэтиэкэ үлэһитэ Туйаара Сокорутова бэркэ угуйуктаан, барыта барда, киирбит үп көмөҕө ананна.

71ba82e5 ab3b 4299 9dbd 9b1a7ed5a73d

38c91fa4 bbb0 444f a644 72a9dea27acc

Быраас идэлээх оҕо суруйааччыта Лидия Тарасова кэнники кэмҥэ кинигэтэ элбээтэ. Олортон биирдэстэрэ – “Невероятная история Кындыкан”. Бу остуоруйатынан Саха тыйаатырын “Күн оҕолоро” устуудьуйата (сал. Нь. Шадрина, реж. С.Горохова) испэктээк туруораннар, былырыын  Санкт-Петербурга баран, "Призвание- артист" куонкуруска бастаан кэлбиттэрэ https://blogi.nlrs.ru/93902/111390

Screenshot 2

Лидия Андреевна төрөппүтэргэ сүбэлээтэ: “Оҕо төрөппүтүҥ үтүктэр. Бэйэҕит төлөпүөнтэн тутулуктаах буоллаххытына, оҕоттон ааҕары ирдээмэҥ даҕаны. Холобур буолуохтааххыт. Тэҥҥэ ааҕыҥ, ол үөрүйэҕи дьиэҕитигэр олохтооҥ”, - диэн.

151997f9 e7e7 47d3 9646 39d7ebc19891

Бу “Библионочь” сүрүн түгэнинэн сценарист Мария Находкина кэлэн ыалдьыттаабыта буолла. Кини суруйбут “Карина” киинэтэ билигин Арассыыйа прокатыгар кытта тахсан эрэр. Көрбүт эрэ барыта биһирээтэ.

c0640db3 1411 4a38 be57 fce55c625a7b

  Биир бэйэм бу көрсүһүүттэн Мария артыыс, киносценарист, суруйааччы Илья Находкин сиэнэ буоларын саҥа биллим. Кини оҕо сылдьан, эһэтин кинигэтин ыскааптан булан ылан баран, бэйэтин араспаанньатын көрөн соһуйбутун, ол аптаах түгэн кинини суруйар идэҕэ туһаайбытын сэһэргээтэ.  “Каринаны кытта мин бэйэм хаһан да көрсүбэтэҕим. Тоҕо? Айбыт дьоруойбун илэ баар киһи уобараһа сабарыйыа диэн көҥөнөн”, – диэтэ айар киһи сиэринэн. Кини куоракка улааппыт буолан, сценарийын барытын нууччалыы суруйарын, атын дьон оруолларын саҥаларын тылбаастаан биэрэллэр эбит. Сиһилии  интервьютун   https://new.nlrs.ru/news/12983 ааҕыҥ.

63291c46 63af 44de be53 fdc9956edc41

Өссө биир кэрэхсэбиллээх көрсүһүү историческай саалаҕа буолла.  Ньурба улууһун Түмүк нэһилиэгин олохтооҕо Дария Федоровна Яковлеваны кытта. Кини 10 оҕолоох Дьоруой Ийэ. Улахан дьиэ кэргэммин диэбэккэ, аһыныгас санаалаах Айыы Далбар Хотуна өссө 5 кырдьаҕаһы, ырааҕынан аймахтарын, бэйэтигэр ылан ииппит. Ол түбүгүттэн ордон,  40-ча сыл алын кылаастарга  учууталлыыр. Дьэ, чахчы, барыбытыгар холобур буолар Ийэ!

df52d328 c7cb 49be 8c6b 3ff3970441b6

Маннык үтүөкэн Ийэ оҕолоро бары дьоһун дьон буола улааппыттарын суруналыыс Прокопий Иванов суруйан турар: бастакы уол Николай ФСБ-га өр сылларга үлэлээн баран, билигин ХИФУ-га куттал суох буолуутугар проректор. Федор - "Сэттэ" тутуу  тэрилтэтин салайааччыта. Валентина -  биология наукатын хандьыдаата , АГАТУ преподавателэ. Дмитрий  геолог идэлээх, Накыын алмааһын бэтэрээнэ. Владимир Накыыҥҥа күндү металларга хонтурулуордуур. Елена – Саха уонна Олоҥхо тыйаатырдарын артыыската. Юрий –  тутааччы-технолог. Айыына – быраас, психонарколог. Артем – урбаанньыт.  Егор -  ГИБДД управлениетын отделын начаалынньыгын солбуйааччыта.

ff3d4da1 5e8c 4e8e a7e2 e1b8df93e89f 1

Яковлевтар тустарынан сиһилии манна https://www.sakhaparliament.ru/obshchestvo/7728-2021-08-16-02-14-02. кэпсэнэр.

74f8c04a 192f 4ca5 9f46 84d8e270f1da

Кинигэ атыытын “Айар” издательство тэрийдэ. Анисия Неустроева бэчээт кыһата таһаарбыт остуол оонньууларын  билиһиннэрдэ.

3ae22602 308d 42d6 b164 988902714731

Быйыл элбэх киһи сэҥээриитин ылбыт "Слово пацана: кровь на асфальте" киинэ туһунан психолог Надежда Васильевалыын ырыттылар. Тус санаалары этии кэнниттэн, уопсай биир түмүккэ кэллилэр: маннык киинэлэри улаатан эрэр оҕолортон кистиир, буойар-бобор сыыһа, олох түктэри өрүттэрин бэйэлэрин уопуттарыгар буолбакка, айымньыттан билэн өйдүүллэрэ ордук диэн.

a0f9e6e3 8e0e 4659 ab9d 44a12ccdd7e1Ыччаты тыйаатыр ускуустубатыгар  уһуйааччы Андрей Адамов чуолкайдык саҥарарга  дьарыктаата. Онно  сылдьыбыт эрэ бары олус дуоһуйан: "Өссө уһун бириэмэни анаабыттара буоллар..." - дэстилэр.

1fbda60b 5c84 4974 bbed 440d22a29946

“Библионочь” аахсыйатыгар  кэлбиттэр өрөбүл  күннэрин олус туһалаахтык атаардылар: юристартан босхо консультация ылан, Пушкин каартатын оҥорторон,  сюцай ньыматынан төрөөбүт күннэрин-сылларын аахтаран, квиз оонньоон,  50-70-с сылларга саха остуоруйаларынан  тахсыбыт мультиктары диафильмынан , 33-с, 3-с оскуолалар театральнай устуудьуйаларын литературнай-музыкальнай дьүһүйүүлэрин кэрэхсии көрөн, бэйэлэрин мэтириэттэрин уруһуйдатан, маастар-кылаастарга дьарыктанан.

4e0c224f 4015 4bca bdc3 08f379c1989b

999a791b df32 40ae 89db d9bc4467a51b

a816b7f3 f72a 4468 be0e ee95dface3c6

5dc2579b 12f9 49e0 9e0b aef54a19625a

9f0aad49 bff9 44d6 a602 5e2927026440

46a0f7b3 2203 40d8 b9a9 fc09ace7dc17

c376c111 d936 43cd bb58 194e0b09c021

82a8e42a 941b 45aa 94a9 4acaa44ca0fa

cab34893 1b86 41a9 b03d 178416b3f735

6fdf8995 7298 497a ac78 b96a42655226

Аны кэлэр “Библионочька” булгуччу сылдьаарыҥ. Онно “ҺӨҔҮҤ: хоһоонунан хоһуйуу” видеопоэзия күрэҕин түмүгүн таһаарыахпыт.  Үлэлэри ыам ыйын 5 күнүгэр диэри тутабыт. Куонкурус балаһыанньата: https://blogi.nlrs.ru/93902/117746

Көрсүөххэ диэри, көхтөөх доҕотторбут!   

   

  

   

  • 6
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением