Тустуу улахан түһүлгэтин үөрүүлээх аһыллыытыгар СР бырабыыталыстыбатын солбуйааччы Сергей Местников, «Саха сирин тимир суоллара» тэрилтэ салайааччытын солбуйааччы Алексей Местников, аан дойду чөмпүйүөнэ, Олимпиада-80 үрүҥ көмүс призера Магомедхан Арацилов, аан дойду уонна Азия чөмпүйэнээттэрин призера Буяндергер Болд (Монгуолуйа), олимпийскай чөмпүйүөн, успуорт үтүөлээх маастара Павел Пинигин кыттыыны ыллылар уонна мустубут дьону Тустуу бырааһынньыгынан эҕэрдэлээтилэр, оттон тустуук оҕолорго – ким үчүгэй бэлэмнээх, кыайыыга дьулуурдаах – ол кыайарыгар баҕардылар.
Быйылгы, үбүлүөйдэргэ ананан ыытыллар үгэскэ кубулуйбут күрэхтэһиилэргэ барыта 1285 эдэр бөҕөс күөн көрүстэ.
Арассыыйа араас эрэгийиэннэрин тэҥэ көбүөргэ Монгуолуйа, Беларусь, Кыргыстаан, Казахстаан, Таджикистан оҕолоро тахсан ким күүстээҕин быһаарсаллар. Номнуо, аһаҕас өрөспүүбүлүкэтээҕи турнир түмүктэннэ.
Турнир түмүгүн манна көр: https://dzulurgan.ru/2026/04/itogi-otkrytogo-respublikanskogo-turnira-pavla-pinigina/
Петр ПАВЛОВ
-
1
-
0
-
0
-
0
-
0
-
0
