Парламент хонтуруоллуур кэмитиэтин бэрэссэдээтэлэ Андрей Николаев Суол пуондатын нөҥүө үбүлэнэр суол хаһаайыстыбатын тэрилтэлэригэр 2025 с. түмүгүнэн төһө иэс баарын, «Якутия» авиахампаанньа үп-харчы өттүнэн балаһыанньатын көннөрүү туһунан интэриэһиргээтэ уонна Бүлүү өрүһү туоруур күргэ хаһан тутулларын ыйыталаста.
Ольга Рафаилова этэринэн, күн бүгүн суол хаһаайыстыбатыгар 10 мөл. солк. иэс төлөнө илик, быйылгы үп суотунан хаалбыт атын иэһи барытын саппыттар. «Якутия» авиахампаанньа үбүн-харчытын чөлүгэр түһэрэргэ СӨ Тырааныспарга уонна суол хаһаайыстыбатыгар министиэристибэтэ Саха Сирин сайдыыга корпорациятын кытта авиахампаанньаны кириисистэн таһаарарга үлэлэһэллэр. Сотору кэминэн кыттыгас үлэ түмүгүн Бырабыыталыстыбаҕа уонна дьокутааттарга билиһиннэриэхтээхтэр.
Оттон Бүлүү өрүһү туоруур күргэни тутарга 2023 с. федеральнай бырагырааманан Бүлүү уонна Халыма федеральнай суолларга күргэни тутарга бүддьүөт дэписиититтэн сылтаан, бырагырааманы 2036 с. диэри көһөрбүттэр.
Ааптар хаартыскаҕа түһэриитэ.
-
1
-
0
-
1
-
0
-
2
-
7
