Ааспыт сыл түмүгүнэн ТФОМС бүддьүөтүн дохуота 72,3 млрд. солк., былаан сүүс бырыһыан туолбут, ааспыт сылы кытта тэҥнээтэххэ, дохуот 15% үрдээбит. Ороскуот 71,6 млрд. солк. Хомунаалынай өҥөҕө ороскуот 646 мөл. солк. эбиллибит, ааспыт сылы кытта тэҥнээтэххэ, 24,2% үрдээн, 3,3 млрд. солк. тиийбит.
Былырыын тус сыаллаах категориялаах үлэһиттэргэ, быраастар хамнастара 224 000 солк., мэдиссиинэ орто үлэһиттэригэр 110 000 солк., алын сүһүөх үлэһиттэргэ 105 000 солк. буолбут. Салайааччылар хамнастара 240 000 солк. Ону таһынан, диспансеризация кэмигэр искэн ыарыыны буллахтарына, эбии төлөбүр оҥоһуллар.
Норуот дьокутаата Иван Луцкан хомунаалынай төлөбүр үрдээбитин бэлиэтээн туран, ону кыччатарга туох үлэ оҥоһулларын ыйыталаста. Өрөспүүбүлүкэ таһыгар мэдиссиинэ көмөтүн оҥорор ороскуот тоҕо үрдээбитин, итиэннэ тарыып төһө ыараабытын туоһуласта.
Дмитрий Сергин уоту, сылааһы харыстыырга тустаах үлэ ыытылларын, кэмигэр счетчиктары туруоралларын, эргэни саҥардан биэрэллэрин туһунан хардарда. Саҥа эбийиэктэр үлэҕэ киирдэхтэринэ, эргэ хаарбах дьиэҕэ ууну, уоту, сылааһы араараллар. Хапытаалынай өрөмүөҥҥэ, үрэр түннүк оннугар пластиковайы олордорго эмиэ болҕомтолорун уураллар. Ый ахсын бары мэдиссиинэ тэрилтэлэрэ туох үлэни ыыппыттарын отчуоттууллар. Хомунаалынай төлөбүр кээмэйэ эбиллибитигэр тарыып үрдээбитэ эмиэ охсоро этилиннэ.
Сис кэмитиэт бэрэссэдээтэлэ Юрий Николаев Дьокуускайга Кардиологическай киин уонна Онкология диспансера тутуллуоҕуттан дьиҥэр, өрөспүүбүлүкэ тас өттүгэр эмтэнэ барар дьон ахсаана аҕыйыахтаах этэ диэн бэлиэтээтэ. Онуоха тыынар, ас буһарар уорганнара ыалдьар дьон атын куораттарга эмтэнэ бараллара этилиннэ.
Доруобуйа харыстабылын сис кэмитиэтин бэрэссэдээтэлэ Светлана Давыдова «Сахамедстрах», «Капитал» хампаанньаҕа страховкаламмыт дьон Арассыыйа киин куораттарыгар Москубаҕа, Санкт Петербурга олороллоро, онно балыыһаҕа көрдөрүнэр түгэннэрэ баарын туһунан эттэ.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
