Бастакынан К., Саха Өрөспүүбүлүкэтин уонна Арассыыйа Федерациятын үтүөлээх учуутала, Томпо улууһун бочуоттаах олохтооҕо, өрөспүүбүлүкэ үөрэҕин туйгуна Дьокуускайга социальнай дьиэни биэрии боппуруоһун ыйыталаста.
Күн бүгүн кини 85 сааһын туолбут, улууска бэйэтин дьаһанан олорор эрээри, сааһыран, доруобуйатын туругунан кэккэ ыарахаттары көрсөрүн, мэдиссиинэ көмөтүгэр наадыйарын туһунан эппит.
СӨ Тутууга министиэристибэтин бэрэсэтэбиитэлэ, туһунан категориялаах дьону дьиэнэн хааччыйыыга департамент салайааччытын солбуйааччыта дьону кытта көрсүһүүгэ министиэристибэҕэ ханнык бырагыраамалар баалларын, дьиэнэн хааччыйыыга туох көмө оҥоһулларын быһааран биэрдэ.
Маны таһынан, норуот дьокутаатыгар кэлбит К., 2024 с. Арассыыйа Бэрэсидьиэнин быһа сибээһигэр тахсан, кыһалҕатын кэпсээбит. Онуоха СӨ Тутуутун министиэристибэтэ улуус дьаһалтатын нөҥүө эппиэти бэлэмнээн ыыппыт. Киниэхэ Уһук хоту оройуонуттан көһөн барарыгар дьиэ-уот сэртипикээтин ылыан сөбүн туһунан иһитиннэрбиттэр. К., инбэлииккэ тахсыбытын учуоттаан, маннык көмөнөн туһанар бырааптаах. Ол эрэн ити суругу кини туппатах, ол иһин тустаах докумуоннарын бэлэмнээбэтэх.
Дьокутаакка кэлэ сылдьан К., СӨ Тутууга министиэристибэтин бэрэсэтэбиитэлиттэн сүбэ-ама ылан барда. Итиэннэ муниципальнай тэриллии аатыгар тустаах докумуоннары бэлэмнииргэ көмөлөһөллөрүгэр суругу ыытыахтара.
Чурапчы улууһугар социальнай дьиэни тутуу боппуруоһугар О., кырасдааҥка кэлэ сырытта. СӨ Үлэҕэ уонна социальнай сайдыыга министиэристибэтин бэрэстэбиитэлэ быһааран биэрбитинэн, Чурапчы улууһугар итинник дьиэҕэ наадыйар киһи ахсаана олох аҕыйаҕынан сибээстээн, бу көҕүлээһин туолара, олоххо киирэрэ кэккэ ыарахаттардаах.
Алена Атласова этэринэн, муниципальнай оройуон чахчы социальнай дьиэ наада диэн быһаардаҕына биирдэ, итинник дьиэни тутууну көҕүлүөххэ сөп. Оттон Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин аатыттан бу боппуруоһу көрөргө улуус баһылыгар ходатайство сурук ыытыахтара.
Дьону кытта кытта көрсүһүү түмүгэр дьон кыһалҕалаах боппуруоһун хайдах быһаарыахха сөбүн, кинилэр суруктарын салгыы хайдах көрөллөрүн бэрээдэгин сиһилии быһааран биэрдилэр.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
