Сергей Домброван Полярнайга сөмөлүөт түһэр-көтөр балаһатын оҥоруу хаһан түмүктэнэрин, ону таһынан, Мухтуйа суола хаһан оҥоһулларын ыйыталаста.
Ольга Рафаилова быһааран биэрбитинэн, Полярнай аэропуордун оҥоруу бастакы түһүмэҕэ 2027 с. бүтүөхтээх, иккис түһүмэҕи 2028-2030 сс. оҥоруохтара.
СӨ Массыына суолун управлениетын дириэктэрин солбуйааччы Анатолий Павлов Мухтуйа суолун оҥоруу туһунан иһитиннэрдэ. Билигин 26-46 км. учаастакка үлэ ыытыллар. Былырыын 10 км. суолу оҥорбуттар, быйыл былаан быһыытынан, 9,7 км. учаастагы оҥоруохтаахтар, ону таһынан, суолу харыстыырга тиэхиньикэ ыйааһынын хонтуруоллуур автоматическай пууну туруоруохтаахтар. Быйыл Мухтуйа суолугар 2-12 км. учаастакка хапытаалынай өрөмүөнү оҥорорго судаарыстыбаннай хантараагы түһэрсиэхтээхтэр. Ленскэй куоракка Хотугу түөлбэҕэ аспааллаах, атын сиргэ үлтүркэй тааһы, гравийы кутуохтара. Маннык үлэни быылы хаптатаары оҥороллор. Бырайыага, симиэтэтэ оҥоһулуннаҕына саамай уустук 76-89 км. учаастакка тиийиэхтэрэ. Маар Үрэх өрүһү туоруурга күргэ өрөмүөнүн оҥоруохтаахтар.
Хаартыска ЯСИА.
-
0
-
0
-
0
-
0
-
0
-
0
