Виктор Федоров СӨ Ааҕар-суоттуур балаататын отчуотун истэн баран элбэх ыйытык үөскээбитин бэлиэтээтэ. «10 млрд. солк. кэриҥэ суумаҕа араас кэһии тахсыбыт, онтон 32 мөл. солк. үбү төнүннэрбиттэр. Хонтуруоллуур үлэттэн туох да түмүк суох, кэлиҥҥи кэмҥэ «дсп” (служебнай эрэ көрүүгэ) диэн хааччаҕы киллэрэннэр, холобур, ГУП ЖКХ, Комдрагмет үбүн-харчытын кистэлэҥҥэ туталлар, ону тус дааннайы харыстыыбыт дииллэр.
Ону таһынан, өрөспүүбүлүкэҕэ дьадайыыны аҕыйатарга Бырабыыталыстыба чааһа ыытыллыбыта. Судургутук быһаардахха, манна паардарын эрэ таһаараллар, дьокутааттар ыйытыктары биэрэллэр, онтон туох даҕаны уураах, түмүк тахсыбат. СӨ Бырабыыталыстыбатын бэрэссэдээтэлин солбуйааччы Георгий Степанов дакылаатын истибиппит, дьадайыыны аҕыйатарга үлүгэрдээх үп 20 млрд. солк. көрүллэр курдук эрээри, норуот олоҕо тупсубат. Бу харчы ханна барарын билбэтим», — диэтэ Виктор Николаевич.
Пресс-кэмпириэнсийэ туһунан сиһилии «Ил Түмэн» хаһыат аныгыскы нүөмэригэр ааҕыҥ.
Ааптар хаартыскаҕа түһэриитэ.
-
0
-
0
-
0
-
0
-
0
-
2
