СӨ Уопсастыбаннай балаататын бэрэссэдээтэлэ Станислав Иванов дойдубут төһө даҕаны уустук балаһыанньаҕа олорорун иһин норуот сомоҕолоһон, Кыайыы туһугар күүһүн түмэрин, уопсастыбаннай түмсүүлэр онно көхтөөхтүк кытталларын бэлиэтээтэ. Кини Ил Түмэҥҥэ «Миэдиктэр — Анал байыаннай дьайыыга» диэн быыстапка тэриллибитин, 56 миэдиктэн кыргыһыы хонуутуттан тыыннаах эргиллибэтэх дьон эмиэ баалларын санатта. Үрүҥ халааттаах аанньаллар бэйэлэрин харыстаммакка бааһырбыт буойуннары сэрии хонуутуттан таһааралларын, бастакы көмөнү оҥороллорун иһитиннэрдэ. Хас биирдии киһи хорсун быһыыта сырдатыллыахтааҕын, сыаналаныахтааҕын эттэ. Инникитин Байыаннай дьайыы бэтэрээннэрин күнэ Ийэ күнүн курдук киэҥник бэлиэтэнэр буолуо диэн баҕа санаатын тириэртэ.
СӨ Ис дьыалатын байыаннай дьайыыга бэтэрээннэрин түмсүүтүн бэрэссэдээтэлэ Николай Гребенников күн бүгүн Аҕа дойдуну көмүскээһин тыын суолталааҕын бэлиэтээн туран, буойуннар хорсун быһыылара умнуллуо суохтааҕын эттэ. Түмүккэ СӨ Култууратын туйгуна Ольга Галдобина ылбаҕай ырыаны бэлэхтээтэ, Кыайыы туһугар дьоһун кылааттарын киллэрэр дьоҥҥо биэдэмистибэлэр Махтал суруктарын туттартаатылар уонна уопсай хаартыскаҕа түһүү ыытылынна.
Ааптар хаартыскаҕа түһэриитэ.
-
0
-
0
-
0
-
0
-
0
-
0
