Кини былырыын бүддьүөт корректировката биирдэ даҕаны буолбатаҕын, быйыл бэс ыйыгар былааннаабыттара эрээри, бүддьүөт кодексатын 217 ыстатыйатыгар сигэнэн, бырабыыталыстыба ылыныллыбыт бүддьүөт үбүн, сыыппаратын бэйэтэ билэринэн хайдах баҕарар уларытарын аҕынна. Ахсынньыга дьокутааттар ылыммыт бүддьүөттэрэ уонна бүддьүөт хайдах туолбутун отчуоттууллара улахан араастаһыылааҕын бэлиэтээтэ.
Виктор Федоров былырыыҥҥыга диэри Ааҕар-суоттуур балаата бүддьүөт сис кэмитиэтин бас билиитигэр киирэрэ, онтон хонтуруоллуур сис кэмитиэккэ бэриллибитин чуолкайдаата. Оттон ааспыт пленарнай мунньахха 2025 с. бүддьүөт хайдах толоруллубутун отчуоттуулларыгар чахчы дьокутааттар 2024 с. ылыммыт бүддьүөттэриттэн чыҥха атынын бэлиэтээтэ.
Парламентарий бүддьүөт ороскуота 332 млрд. солк. диэн бигэргэммитэ 357 млрд. солк. диэри үрдээбитин, 25 млрд. солк. эбии ороскуот оҥоһуллубутун чуолкайдаата. Бүддьүөт дэписиитэ 2,8 млрд. солк. аһары баран түөрт төгүл үрдээбит. Виктор Николаевич ити бүддьүөт туһунан сокуону кэһии буоларын бэлиэтээтэ. Маннык улахан үп-харчы хамсааһына уларыйар түгэнигэр, дьокутааттарга иһитиннэриэхтээхтэрин, бүддьүөт көннөрүүтэ оҥоһуллуохтааҕын эттэ.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
