Үбүлүөйдээх сылы тэрилтэ кэккэ ситиһиилээх көрүстэ, дьон тимир суолунан айанныыра эбилиннэ, сүрүн хапытаалга үбү угуу 2025 с. 37,2% үрдээн, 1,7 млрд. солк. тиийдэ. Сүрүн бырайыак быһыытынан, Сковородино – Рейново суолу чөлүгэр түһэрэн, ол иһигэр Дьэлиҥдэ–Мохэ хайысхатынан, Нерюнгри уонна Алдан оройуонун икки ардыгар «Колмар» хостуур таас чоҕун тиэйэргэ Чульбасс ыстаансыйаны, тиэхиньикэни сайыннарыахтаахтар.
Сыл ахсын мөлүйүөнүнэн туонна таһаҕаһы өрөспүүбүлүкэҕэ тимир суолунан тиэйэллэр. Хоту таһаҕаһы тиэйии чэрчитинэн «Саха Сирин тимир суоллара» аһы-үөлү, туттар тэрили тиэрдэргэ үлэлэһэр. Былырыын хампаанньа 7,6 мөлүйүөн туонна таһаҕаһы тиэйдэ, онтон 60% куоһарар таас чох, 12,5% — уматык, 3,5% — ас-үөл, тутуу матырыйаала, 5% — контейнердаах таһаҕас, 17% — атын табаар.
Хаартыска: «Саха Сирин тимир суоллара» АУо пресс-сулууспата
-
0
-
0
-
0
-
0
-
0
-
0
