Оннооҕор сылгылар сэрэхтээхтэр. Холобура, соторутааҕыта икки улууска оҕолору тэбэннэр эчэппиттэрин истибиккит буолуо. Куоракка да бөҕү хаһан сии турар сыспай сиэллээхтэр элбэхтэр.
Судаарыстыбаннай Дуумаҕа дьиэ кыылын көрүүтэ-харайыыта суох хаалларыы, уулуссаҕа быраҕыы иһин 30 тыһыынча солкуобай ыстараап олохтуурга этии киллэрдилэр. Аны туран, дьиэ кыыла киһини ытырдаҕына, (холуобунай састааба суох) 200 тыһыынча солкуобайга ыстарааптаары гыналлар. Бу туһунан Дуума экологияҕа кэмитиэтин бэрэссэдээтэлин солбуйааччы Бурматов иһитиннэрдэ.
Кини бэлиэтээбитинэн, бу сокуон барыла толоруулаах былаас федеральнай уорганнарын сөбүлэҥнэрин ааспыт. Онон Судаарыстыбаннай Дуума ылыныан эрэ наада.
-
1
-
0
-
0
-
0
-
0
-
0
