Уопсайынан, сахалар эрэ “тылбыт сүтэн эрэр” диэн айманар буолбатахпыт, соҕурууҥҥу нууччаларга да бу эмиэ улахан кыһалҕа буолан турар. Ыччат өттө аныгы сленг тыллары туһанар. Онтукалара барыта английскайдыы.
Ол иһин Судаарыстыбаннай Дуумаҕа омук тылынан вывескалары суруйары бобор туһунан сокуон барыла оҥоһулла сылдьарын спикер Володин иһитиннэрдэ. Дьокутаат Елена Ямпольская этэринэн, Москуба куорат киинигэр сурук-бичик үксэ английскай тылынан суруллан турар.
«Судаарыстыбаннай Дуумаҕа омук тылынан рекламаны бобуу туһунан сокуон барыла үөрэтиллэр. Докумуон бэлэм», — диир Вячеслав Володин.
Манна даҕатан эттэххэ, 2020 сыл балаҕан ыйыгар РФ Үөрэх министиэристибэтэ омук тылын судаарыстыбаннай түмүктүүр аттестация булгуччулаах эксээмэнин ахсааныттан таһаарбыта. Ол иннинэ 2022 сылтан омук тылын биир кэлим эксээмэҥҥэ булгуччулаах предмет быһыытынан киллэрэр былааннаахтара. Маныаха «Биир ньыгыл Россия» баартыйа утарылаһан тохтоппута.
-
0
-
0
-
0
-
0
-
0
-
0
