Кыһыл тылгынан кыайбаккын
Издательский дом Редакция Подписка
Погода в Якутске: . 11 oC

Саха кэнгириэһин бырабылыанньатын чилиэнэ Дьулустаан Осипов Кэнгириэскэ ыччаты тардыы, Ил Дарханы талар быраап уонна өрүс уутун ырааһын кэтиир уопсастыбаннай хамсааһыны тэрийии туһунан эттэ.

Саха кэнгириэһин бырабылыанньатын чилиэнэ Дьулустаан Осипов Кэнгириэскэ ыччаты тардыы, Ил Дарханы талар быраап уонна өрүс уутун ырааһын кэтиир уопсастыбаннай хамсааһыны тэрийии туһунан эттэ.

Дьулустаан Осипов 1

- Кэнгириэспитигэр элбэх ыччат баар буолуон наада диэн санаабын этэбин. Холобура, бырабылыанньаҕа даҕаны, сүбэҕэ даҕаны аҥаардас саастаах дьон баар буоллаҕына, көх, эниэргийэ өттүнэн мөлтөөһүн тахсар. Тоҕо диэтэххэ, саастаах киһи сылайара элбэх, ол иһин барытын ситиспэт. Манна кэлбит дэлэгээттэр оҕолоргутун, сиэннэргитин Кэнгириэскэ кытыннарыҥ.

Эһиил Ил Дархан быыбара буолуохтаах. Онно 2012 сыллаахха дойду Бэрэсидьиэнэ Владимир Путин үһүс болдьоҕор киирэн баран, федеральнай сокуон таһаарбыта. Ол сокуон “эрэгийиэннэр баһылыктарын талыы парламеннар нөҥүө барыахтарын сөп” диэн быраап биэрбитэ. Ол быраабы ылан, Кавказ хас да өрөспүүбүлүкэтэ баһылыктарын дьокутааттар нөҥүө талар буолбуттара. Биһиэхэ эмиэ оннук куттал үөскүөн сөп. Бэйэҕит көрбүккүт курдук, Конституционнай сууппутун суох гыннылар, Ил Түмэн дьокутааттарын ахсаанын аччата сатаатылар. Оттон ити сокуону эмиэ хаста да киллэрэ сатаабыттар, ону дьокутааттарбыт, уопсастыбаннас утарсан тохтоппуттара. Биллэн турар, федеральнай киинтэн өрөспүүбүлүкэлэр судаарыстыбаннай статустарын мөлтөтүү барар. Онон, итинник буолан хааларыгар бэлэм сылдьыахха.

Аны экология боппуруоһун таарыйыахпын баҕарабын. Биһиги норуот быһыытынан ыраас иһэр уулаах олорорбутугар, доруобуйабытын чөл тутарбытыгар өрүстэрбит улахан суолталаахтар. Ол туһуттан мин Экологическай кэмитиэт бэрэссэдээтэлэ Еремей Чиряевы кытары кэпсэтэн турардаахпын. Кини көрүүтэ маннык: Саха Өрөспүүбүлүкэтин өрүстэрин уопсастыбаннай мониторинын оҥоруохтаахпыт. Ол аата өрүс кытылынааҕы хас биирдии нэһилиэккэ дьонноох буолуохтаахпыт. Ол дьон уопсастыбаннай хамсааһыҥҥа киирэн, уу пробатын ылыахтаахтар. Ону тиһигин быспакка, лабораторияҕа илдьэн, анаалыс түмүгүн Интэриниэт нөҥүө аһаҕастык кэпсии туруохтаахпыт. Ол аата, норуот көрөр харахтанар. Тугу да көрбөккө олорон, кыһыл тылгынан этэҥҥин суукка кыайбаккын, биир да солкуобай ыстараап төлөттөрбөккүн. Оттон эйиэхэ научнай лаборатория дааннайдара баар буоллахтарына, ууну киртитээччилэри кытта биир таһымҥа киирсиэххин сөп.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33