Бүгүн, алтынньы 25 күнүгэр айан суолу, оптуобус тохтобулларын ыраастааһыҥҥа 14 суол үлэһиттэрэ уонна 30 анал тиэхиньикэ таҕыстылар. Маны тэҥэ, халтарааны суох оҥорууга, массыыналар харыылара үөскээбэтин туһугар кумах куталлар.
Киэһэлик киин куоракка сөкүүндэҕэ 20 миэтэрэ түргэннээх тыал уонна тибии түһэрэ сабаҕаланар. Манан сибээстээн, төрөппүттэр оҕолорун оскуолаҕа илдьэллэрин-илдьибэттэрин бэйэлэрэ быһаарыахтара.
Олохтоох салалта куорат олохтоохторун сэрэхтээх буоларга ыҥыраллар. Быһа барбыт уот ситимигэр, хамсаабыт вывескаларга, реклама щиттарыгар чугаһаабаттарыгар, хаарбах туруктаах тутуулар анныларынан сылдьыбаттарыгар сэрэтэллэр. Дьиэ, кыбартыыра түннүктэрин сабаттыырга, сорох түгэннэргэ уоту арааралларыгар ыҥыраллар.
-
0
-
0
-
0
-
0
-
0
-
0
