Быйыл биллэриллибит быстах байыаннай хомуурунунан, болдьоҕо кыратык халбарыйда. Байыаннай сулууспаҕа барыта 120 тыһ. киһини хабар былааннаахтар. Дойдуга икки аҥаар тыһыынча күһүҥҥү ыҥыырыга хомуйар пуун аһыллыаҕа, оттон хомуур хампаанньата ахсынньы 31 күнүгэр диэри уһатыллан үлэлиэҕэ.
Ордук нэһилиэнньэни долгутар биир сүрүн ыйытыга: «Саҥа байыаннай хомуурга хабыллыбыттары анал байыаннай эпэрээссийэ зонатыгар эбэтэр дойду саҥа эрэгийиэннэригэр - ДНӨ, ЛНӨ, Херсонскай уонна Запорожскай уобаластарга - ыытыы күүтүллэр дуо? Үрдүкү салалта хоруйдуур: «Суох, күүтүллүбэт». Бу туһунан бэнидиэнньиккэ, алтынньы 31 күнүгэр, РФ Сэбилэниилээх күүстэрин мобилизациялыыр-тэрийэр салалта генеральнай ыстаабын 4-с салалтатын начаалынньыга, контр-адмирал Владимир Цимлянскай иһитиннэрдэ.
- Арассыыйаҕа сулууспаҕа ыҥырыллааччылар үксүлэрэ үөрэх ситимин сыһыаннаһыыларыгар уонна байыаннай чаастарга ыытыллан, аныгылыы байыаннай тиэхиньикэни баһылаан, тустаах байыаннай идэни ылыахтара. Үөрэҕи бүтэрээччилэр аныгы сэбилэниилээх байыаннай тиэхиньикэлээх чаастарга ыытыллыахтара, — диэтэ контр-адмирал. — Атыттар үөрэх, доруобуйа уонна майгы-сигили өттүнэн туруктарын көрөн, сөптөөх байыаннай дуоһунастарга ананыахтара.
-
0
-
0
-
0
-
0
-
0
-
0
