Ону сэргэ, ситэриилээх былаас Оборона министиэристибэтин кытта сэбилэниилээх күүстэргэ уонна анал эпэрээссийэҕэ кыттыыны ылар байыаннай чаастарга, хаачыстыбалаах бородууксуйаны суһаллык тириэрдэргэ анаан, байыаннай сэбилэниини хааччыйар собуоттары кытары ыкса сибээс олохтуохтаахтарын эттэ. Уопсайынан, былаас уоргана байыаннай эпэрээссийэҕэ кытта сылдьар тустаах сирэйдэртэн туох билигин тиийбэтин, туох наадатын тута билэ олорор буолуохтаах, оҥорон таһаарааччылар хааччыйалларын ааһан, аныгы көдьүүстээх тиэхиникэ оҥороллорун ситиһиэхтээххит диэн соруйда.
Манна даҕатан, Украинаҕа быстах байыаннай дьайыыга эпэрээссийэ саҕаламмыта аҕыс ый буолла. Бу кэм иһигэр дойдубут хоһуун дьоно, нацистыы санааны хам баттыырга хорсуннук киирсэллэр. Бойобуой суолу ааспыт уонна билигин сылдьар дьон этэллэринэн, урукку утарыта киирсиилэртэн отой атын байыаннай тактика аныгы ньымата, сэтэ-сэбиргэлэ туттуллар. Квадрокоптердары, дроннары көтүтэн хамсыыры барытын үөһэттэн хабан сыалга киллэрэллэр, ол кэннэ биирдэ уот өрө ытыллар. Ол аата, байыаннай дьайыыга анал аныгы тиэхиникэни баһылааһын, сытыы өй инники күөҥҥэ таҕыста.
-
0
-
0
-
0
-
0
-
0
-
0
