Саҥа кадеттар оскуолалара үс этээстээх таас дьиэ, уопсай иэнэ 6439,69 кв.м., икки блоктан турар буолуо.
Маҥнайгы блок - үөрэх блога. Манна кабинеттар, лабораториялар, лингафоннай кылаастар, ааҕар саалалаах библиотека, 120 миэстэлээх аактабай, успуорт, 92 олорор миэстэлээх эбиэттиир саалалар, үөрүүлээх быһыыга-майгыга ыытыллар линейкалар уонна тус састаап стройдааһыныгар улахан холлар, үөрэтэр мастарыскыайдар, учууталлар хосторо о.д.а. баар буолуо.
Иккис блок - туспа киирэр ааннаах интэринээт. Интэринээккэ 4-түү, 5-тии миэстэлээх утуйар хостор, мэдиссиинэ, куруһуоктары ыытар кабинеттар, сынньалах уонна уйулҕаны сынньатар хостор, дууштар, администрация кабинеттара, кастеляннай, таҥас сууйар хос о.д.а. киириэхтэрэ.
“200 миэстэлээх үөрэнэр саҥа куорпус, 125 миэстэлээх интэринээт “Үөрэҕирии” нацбырайыак иһинэн үлэлиир “Аныгы оскуола” федеральнай бырайыак чэрчитинэн тутуллуо. Бу аныгылыы тутуулаах үөрэх дьиэтэ-уота буолуо, оҕолор оскуола предметтэрин эрэ буолбакка, байыаннай дьыалаҕа күүскэ бэлэмнэнэр кыахтаныахата”, - диэн Саха Өрөспүүбүлүкэтин Судаарыстыбаннай тутууну уонна дьиэни-уоту көрөр, хонтуруоллуур управление салайааччыта Павел Аргунов кэпсиир.
Тутууту «ТСК+» ХЭТ бэдэрээт тэрилтэтэ ыытыа. Билигин тутуу сирин-уотун бэлэмниир үлэ ыытыллар.
-
1
-
0
-
0
-
0
-
0
-
0
